Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada Halyqty jumyspen qamtý ortalyǵy arqyly 11200-den astam adam eńbekke tartyldy

2021 jyldyń 28 jeltoqsan 2021 19:42

NUR-SULTAN. QazAqparat - 2021 jyly Nur-Sultan qalasy ákimdiginiń Halyqty jumyspen qamtý ortalyǵy búgingi kúnge deıin 18 874 azamatty qabyldady. Sonyń ishinde 11 234-adam jumysqa ornalastyryldy, onyń 7 027-si turaqty jumys, dep habarlaıdy QazAqparat qala ákimdiginiń resmı saıtyna silteme jasap.

Elordada eńbek naryǵyn retteýge baǵyttalǵan jumyspen qamtýdyń belsendi sharalary arqyly, ıaǵnı qoǵamdyq jumystarǵa - 2 848, jastar praktıkasyna -914, áleýmettik jumys oryndaryna - 185 adam jumysqa qabyldandy. Bas qalada ınfraqurylymdyq jobalardy júzege asyratyn «2020-2021 j.j. arnalǵan Jumyspen qamtýdyń jol kartasy» aıasynda 260 adam jumysqa turdy.

Al ótken 2020 jyly Jumyspen qamtý ortalyǵy 29 709 azamatty qabyldady. Onyń 19 291-i jumysqa ornalasty, 8 161 adam turaqty jumysqa turdy. Eske sala keteıik, ótken jyly pandemııa kezinde kóptegen jumys oryndary jabylyp, jumyssyzdar qatary kóbeıgen bolatyn.

Memleket basshysynyń Qazaqstan halqyna Joldaýynda aıtylǵan tapsyrmalarǵa sáıkes, Nur-Sultanda azamattardy laıyqty eńbek jaǵdaılarymen qamtamasyz etý, turaqty jumys oryndaryn uıymdastyrý, eńbek naryǵynyń qajettilikterine sáıkes kadrlar daıarlaý boıynsha júıeli jumys júrgizilýde.

2017 - 2021 jyldarǵa arnalǵan «Eńbek» nátıjeli jumyspen qamtý jáne jappaı kásipkerlikti damytý memlekettik baǵdarlamasy men jobasynyń júıeli júrgizilýiniń arqasynda elimizde jumyspen qamtý aıasynyń keńeıgeni baıqalady. Biri jumysqa tursa, endi biri jańa kásip úırenip, jeke bıznesin ashyp jatyr.

Halyqty jumyspen qamtý ortalyǵy eńbek naryǵynda suranysqa ıe jańa mamandyqty meńgergisi keletin jumyssyz azamattar úshin qysqa merzimdi kásiptik oqytýdy júrgizedi. Bıyl -213 adam qysqamerzimdi kásiptik oqýlarǵa jiberilip, qaıta daıarlaý kýrstarynan ótti.

Arnaıy kýrstar aspaz, kondıter, tiginshi, shashtaraz, kassır-baqylaýshy, naýbaıshy, tárbıeshi-kómekshisi, SMM maman boıynsha uıymdastyryldy. Osylaısha jumyssyz azamattar suranysqa ıe mandyqtar boıynsha jańa kásip úırendi.

2021 jyly Nur-Sultan qalasy boıynsha jańa bıznes ıdeıalardy iske asyrý úshin 590 bıznes ıdeıa maquldanyp, 585 grant tólendi. Onyń ishinde 217 grantty 29 jasqa deıingi jas kásipkerler aldy. Grant jeńip alǵandar qatarynda halyqtyń áleýmettik osal top ókilderi de bar. Máselen, 74 kópbalaly otbasy múshesi, múmkindigi shekteýli 12 adam jáne ataýly áleýmettik kómek alatyn 31 azamat grantqa ıe boldy.

Elordadaǵy Halyqty jumyspen qamtý ortalyǵy barlyq sanattaǵy azamattarǵa jumysqa turýǵa járdemdesedi. Jyl basynan beri 661 múgedektigi bar azamat osy ortalyqtyń kómegine júgindi. Onyń 649-y jumysqa ornalassa, 305-i turaqty jumysqa turdy. Atap aıtqanda, «Jumyspen qamtýdyń jol kartasy» boıynsha-2, «Jastar tájirıbesimen»-14, «Áleýmettik jumys oryndarynda»- 19, «Qoǵamdyq jumystarda»-285, grant alǵan 12 adam, kásiptik oqý bitirgen – 8 jáne «Alǵashqy jumys orny» jobasy aıasynda 4 adam jumys isteıdi.

Aıta keteıik, Nur-Sultan qalasynyń Jumyspen qamtý ortalyǵy jumyspen qamtý aıasyn keńeı̆tý maqsatynda jumys berýshilermen tyǵyz baılanysta jumys isteıdi.

Elordadaǵy Halyqty jumyspen qamtý ortalyǵy jumys izdeýshiler úshin jumyspen qamtý aıasyn keńeıtý maqsatynda jumys berýshilermen ózara baılanys ornatyp, eńbek naryǵyndaǵy bos jumys oryndaryn kúndelikti jańartyp, áleýmettik jelilerde (@czn.astana, fb) jarııalap otyrady. Sondaı-aq, aqparattyq seriktesi - «Astana FM» radıosynyń tikeleı efırinde «Jumys bar», «Est rabota» aıdarlary arqyly habarlanady.

Nur-Sultan qalasynyń turǵyndary Jumyspen qamtý ortalyǵynyń qyzmetin qashyqtan paıdalana alady. Ol úshin «Elektrondyq eńbek bırjasy» memlekettik aqparattyq portalyna (www.enbek.kz) tirkelip, bos jumys oryndaryn tańdaýy qajet nemese jumysynan aıyrylǵan jaǵdaııda áleýmettik tólemder taǵaıyndaý qyzmetterin paı̆dalana alady.

Munan bólek, jumys izdeýshiler Halyqty jumyspen qamtý ortalyǵyna kelip, mamandardan keńes alýyna bolady nemese tolyq aqparat alý úshin ortalyqtyń Jumysqa ornalasýǵa járdemdesý bólimine habarlasyp bilýine bolady. Tel: 57-88-88, 57-86-95, 8 777 116 82 76; 8 777 116 82 73.


Joǵary qaraı