Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada esirtkiniń iri partııasy tárkilendi

2021 jyldyń 21 sáýir 2021 17:56

NUR-SULTAN. QazAqparat - Astana polıtseıleri tehnıkalyq qyzmet kórsetý stantsııalarynyń birinen esirtki satýǵa bekingen kúdiktini ustady, dep habarlaıdy QazAqparat tilshisi.

Nur-Sultan qalasy Polıtsııa departamentiniń baspasóz qyzmeti 6 keli gashıshti jasyryp ustaǵan 37 jastaǵy azamattyń ustalǵanyn habarlady.

«37 jastaǵy er adam jumys ornynda ustaldy. Kúdiktiden ósimdik kúıindegi esirtki zaty bar 7 polıetılen paket tárkilendi. Keıin oǵan tıesili «Nissan» avtokóligin tintý kezinde taǵy 3 polıetılen paket tabyldy. Saraptama qorytyndysy boıynsha tárkilengen gashıshtiń jalpy salmaǵy 6 keli ekeni belgili boldy», - dedi vedomstvonyń baspasóz qyzmetinen.

Atalǵan fakti boıynsha Qylmystyq kodekstiń 297-baby 2-bóligimen qylmystyq is qozǵaldy. Ustalǵan azamat ýaqytsha ustaý ızolıatoryna qamaýǵa alynǵan. Saqshylar esirtkini jetkizý arnasyn anyqtap jatyr. Jyl basynan beri polıtseıler zańsyz aınalymnan 32 keliden astam esirtki zattaryn tárkilegen.

Joǵary qaraı