Aýa raıy
Astana -11 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Elordada er adam 10 jastaǵy qyz balany pyshaqpen qorqytyp, telefonyn tartyp alǵan

2020 jyldyń 21 qarasha 2020 11:50

NUR-SULTAN. QazAqparat - Nur-Sultan qalasynyń polıtsııa qyzmetkerleri eki tonaý deregine qatysy bar degen kúdikpen er adamdy ustady, dep habarlaıdy QazAqparat qalalyq PD baspasóz qyzmetine silteme jasap.

«Konstıtýtsııa kóshesinde bı úıirmesinen qaıtyp kele jatqan 10 jastaǵy eki qyz balany mas kúıde 27 jastaǵy elorda turǵyny ańdyǵan. Kóp uzamaı pyshaqpen qorqytyp, ata-anasyna habarlaǵan jaǵdaıda, tynyshtyq bermeıtinin aıtyp, olardyń bireýiniń uıaly telefonyn tartyp alǵan. Sol kúni keshke dál osy kóshede sport sektsııasynan úıine qaıtyp kele jatqan 14 jastaǵy mektep oqýshysynan uıaly telefonyn tartyp alǵan» dep habarlady PD baspasóz qyzmeti.

Kámeletke tolmaǵan balalardyń ata-analary bolǵan jaıdy polıtsııaǵa habarlady.

Qylmyskerdi izdeý úshin túr sıpatyna keskin jasalyp, Polıtsııa departamentiniń jeke quramyna joldandy. Ýchaskelik polıtsııa ınspektory, kapıtan Nurjan Mustafaev kúdiktiniń buryn qylmystyq jaýapkershilikke tartylǵan óziniń ákimshilik ýchaskesindegi turǵyndardyń biri ekenin tanyǵan. Kúdikti turǵylyqty jerinde ustaldy. Qyzmetkerler páterden pyshaq, sondaı-aq, urlanǵan telefondardy tapty. Atalǵan fakti boıynsha qylmystyq is qozǵaldy. Tergeý amaldary júrgizilýde. Onyń buryn jasalǵan qylmystarǵa qatystylyǵy anyqtalýda.

Aıta keteıik, Nur-Sultan qalasynyń Polıtsııa departamenti ata-analarǵa keshki ýaqytta úıine qaıtatyn kámeletke tolmaǵan balalardy birge alyp júrýge keńes beredi.


Basty sózder: Qylmyspen kúres, Nur-Sultan,
Joǵary qaraı