Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada «Elim dep soqqan júregim» atty kontsert ótti

2021 jyldyń 7 jeltoqsan 2021 21:02

NUR-SULTAN. QazAqparat – Táýelsizdik kúni qarsańynda elorda jurty nazaryna «Elim dep soqqan júregim» atty án keshi usynyldy, dep habarlaıdy QazAqparat tilshisi.

«Táýelsizdik alǵan 30 jyl ishinde tarıh, saıasat, ekonomıkamen qatar elimizdiń mádenıet salasy da biraz asýdy baǵyndyrdy. Búgingi kontsert árıne Táýelsizdik kúnine oraı uıymdastyrylyp otyr. Jáne onda otandyq mádenıettiń damýyna zor úles qosqan óner qaıratkerleriniń shyǵarmalary oryndalady. Án keshi kórermenderdiń kóńilinen shyǵady degen oıdamyz. Sebebi búgin halyq súıip tyńdaıtyn ánder oryndalady», - dedi «Qazaqkontsert» memlekettik mekemesiniń dırektory Jeńis Seıdollauly.

Onyń aıtýynsha, ánshiler shyǵarmalardy orkestrmen, jandy daýysta oryndaıdy. Jáne ujym kontsertke 1 aıǵa jýyq daıyndalypty.

«Kóptegen kompozıtorlar, aqyndar, teatr, kıno jáne televızııa juldyzdary otandyq mádenıet tarıhynda ózderiniń jarqyn izderin qaldyryp, ónerin týǵan eline arnady. Olardyń qaldyrǵan mol murasy arqyly Qazaqstan mádenıeti kórkem týyndylarmen tolyǵa tústi», - deıdi ol.




Astanalyqtardyń aldynda Roza Rymbaeva, Aıjan Nurmaǵambetova, Nurlan Abdýllın, Medeý Arynbaev, Jeńis Ysqaqova, Qurmash Mahan, Erlan Rysqalı, Azamat Jyltyrkózov, Ámire, Rýhııa Baıdúkenova jáne ózge de belgili ártister óner kórsetti.

Elordadaǵy «Qazaqstan» kontsert zalynda ótken án keshinde ártister Shámshi Qaldaıaqov, Eskendir Hasanǵalıev, Keńes Dúısekeev, Seıdolla Baıterekov, Áset Beıseýov, Nurǵısa Tilendıev, Talǵat Sarybaev sekildi tanymal kompozıtorlardyń shyǵarmalaryn oryndady.

«Búgingi kontsert men úshin erekshe. Sebebi bul án keshinde halyqqa keńinen tanymal oryndalady. Demek halyq bizben birge qosylyp án shyrqaıdy degen sóz. Men búgin N.Tilendıevtiń «Qustar qaıtyp barady» ánin shyrqaımyn», - deıdi jas ánshi Ámire.

































































Joǵary qaraı