Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada «Eldiktiń jeti tuǵyry» talqylandy

2021 jyldyń 29 qarasha 2021 15:38

NUR-SULTAN. QazAqparat – Elordada «Eldiktiń jeti tuǵyry» taqyrybyna arnalǵan dóńgelek ústel otyrysy ótti, dep habarlaıdy QazAqparat tilshisi.

«Biz elimizdiń odan ári damýyna úles qosýǵa tyrysamyz. Al memlekettiń jeti tuǵyrynyń mańyzyn jastarǵa jetkizý - bizdiń paryzymyz dep bilemiz. Elbasy óz úndeýinde bizge, keleshek urpaqqa, jastarymyzǵa osyndaı jaýapty mıssııany júktegenine óte qýanyshtymyn. Qazaqstan Team talanttardy anyqtaý alańy bolyp, sol arqyly jastar saıasatyn kúsheıtedi dep senemiz», - dedi jıynda sóz alǵan «Qazaqstan Team» respýblıkalyq jastar uıymynyń jetekshisi Oljas Súleımenov

Іs-sharaǵa aǵa jáne jas urpaq ókilderi, qoǵamdyq pikir kóshbasshylary, sportshylar men kásipkerler qatysty.

Spıkerler ózderiniń ómirlik jáne kásibı tájirıbesiniń prızmasy arqyly qandaı da bir qaǵıdalardy qabyldaýy jaıynda áńgimeledi.

«Táýelsizdiktiń 30 jyldyǵy qarsańynda Qazaqstannyń jastary aldynda Elbasy jáne Prezıdent zamandastary saıası býyny qalaǵan Táýelsiz Qazaqstannyń irgesin nyǵaıtý ári damytý ispettes mańyzdy maqsattar tur. Bul bıik muratty túsiný jáne onyń oryndalýyna kúsh jigerin qosý óskelen Táýelsizdik urpaqtarynyń basty tarıhı jáne saıası jaýapkershiligi», - QR Prezıdenti janyndaǵy Jastar saıasaty jónindegi keńesiniń múshesi Ýálıhan Bahretdınov.

Esterińizge sala keteıik, «Nur Otan» partııasy Saıası keńesiniń keńeıtilgen otyrysy barysynda Qazaqstannyń Tuńǵysh Prezıdenti – Elbasy Nursultan Nazarbaev qazaqstandyqtar úshin negizgi baǵdar bolatyn «Eldiktiń jeti tuǵyry» qaǵıdattarynyń jıyntyǵyn jas urpaqqa úndeýin joldady.

Olar: «Táýelsizdik – kez kelgen azamat úshin eń qasterli qundylyq», «Birlik pen kelisim – eldigimizdiń myzǵymas tuǵyry», «Jer – ata-baba murasy, halyq qazynasy», «Otbasy men salt-dástúr – qoǵamnyń altyn dińgegi», «Ulttyq mádenıet – halyqtyń rýhanı tiregi», «Bilim men eńbek – baqýatty ómirdiń kilti», «Pragmatızm – básekege qabiletti bolýdyń kepili».


Joǵary qaraı