Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada eki adamdy jaraqattaǵan banner oqıǵasyna qatysty tergeý bastaldy

2022 jyldyń 27 mamyr 2022 17:21

NUR-SULTAN. QazAqparat – Elordada banner qulap, eki adamnyń jaraqattanýyna baılanysty sotqa deıingi tergeý amaldary bastaldy, dep habarlaıdy QazAqparat tilshisi.

«26 mamyrda Almaty aýdandyq polıtsııa basqarmasyna «Beıbitshilik pen kelisim saraıy» kire berisiniń aldynda turǵan bannerdiń qatty jelden ońǵa qaraı jyljyp, qulaǵany týraly habarlama tústi. Banner qulaǵan sátte onyń janynda 12 jastaǵy qyz ben 34 jastaǵy áıel turǵan. Qazirgi ýaqytta zardap shegýshiler aýrýhanada em alyp jatyr. Osy fakti boıynsha QR QK 306-babymen (Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmet kórsetý) sotqa deıingi tergeý amaldary bastaldy. Tıisti sot-medıtsınalyq saraptama taǵaıyndaldy», - dep atap ótti Nur-Sultan qalalyq polıtsııa departamentinen.

Buǵan deıin elordada qatty jeldiń saldarynan banner qulap, eresek adam men jasóspirimniń túrli jaraqatpen kópbeıindi qalalyq statsıonarlarǵa jetkizilgenin habarlaǵan edik.


Avtor Marlan Jıembaı
Basty sózder: Polıtsııa, Oqıǵa, Nur-Sultan,
Joǵary qaraı