Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Donorlar forýmy ótedi

2020 jyldyń 19 qarasha 2020 11:07

NUR-SULTAN. QazAqparat - 26 qarashada Qazaqstannyń IX Azamattyq forýmy men azamattyq qoǵam aptalyǵy sheńberinde onlaın formatta Donorlar forýmy ótedi, dep habarlaıdy QR Aqparat jáne qoǵamdyq damý mınıstrliginiń baspasóz qyzmeti.

Donorlar forýmy - bul Qazaqstannyń iri metsenattaryn, korporatıvtik áleýmettik jaýapkershilik kóshbasshylaryn, sondaı-aq óz qyzmetin Qazaqstan Respýblıkasynyń aýmaǵynda júzege asyratyn halyqaralyq donorlyq uıymdar ókilderin biriktiretin sarapshylardyń dıalog alańy.

Donorlar forýmynyń mıssııasy - elde donorlyq jáne qaıyrymdylyq qyzmetti júzege asyrý úshin qolaıly orta qurýǵa járdemdesý, azamattyq qoǵamnyń áleýetin damytý.

Forým sheńberinde donorlyq qyzmettiń qazaqstandyq tájirıbesin, otandyq jáne halyqaralyq kompanııalardyń áleýmettik saıasatynyń úzdik tájirıbelerin talqylaý boıynsha sessııalar, sondaı-aq fılantropııa men halyqaralyq yntymaqtastyqtyń ózekti máselelerin talqylaý ótkiziledi. Sonymen qatar, Donorlar forýmy barysynda grant berýshi uıymdardyń aqparattyq sessııasyn ótkizý jáne ÚEU-dardyń granttyq konkýrstar men rásimderge qatysýyna qatysty konsýltatsııalar berý josparlanýda.

Donorlar forýmynyń uıymdastyrýshysy QR Aqparat jáne qoǵamdyq damý mınıstrliginiń qoldaýymen Azamattyq bastamalardy qoldaý ortalyǵy bolyp tabylady.

Forým qorytyndysy boıynsha Qazaqstannyń IX Azamattyq forýmynyń qarar jobasyna usynystar men usynymdar ázirlenetin bolady.


Joǵary qaraı