Aýa raıy
Astana 5 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Elordada dezınfektsııa jumystary júrgizilip jatyr

2020 jyldyń 3 tamyz 2020 07:16

NUR-SULTAN. QazAqparat - Nur-Sultanda adam kóp jınalatyn jerlerde dezınfektsııa jumystary júrgizildi. Bul týraly QazAqparat tilshisi elorda ákimdiginiń baspasóz qyzmetine silteme jasap habarlaıdy.

Ákimdik saıty taratqan aqparattarǵa qaraǵanda, dezınfektsııa jumystary jaıaý da, arnaıy mashınalardyń kómegimen de júrgizilýde. Osy ýaqytqa deıin barlyǵy 32 mln 720 myń sharshy metr aýmaq zalalsyzdandyrylǵan. Sonymen qatar, saıabaqtarda, alańdarda, býlvarlar men basqa da qoǵamdyq oryndarda koronavırýsqa baılanysty qala turǵyndarynyń áleýmettik qashyqtyqty saqtaýy úshin belgiler qoıylǵan. Sonymen qatar, maska taǵý qajettiligi týraly aqparattyq stendter ornatyldy.

«Biz adam kóp baratyn jerlerdi óńdedik. Bul oryndyqtar, kóshe trenajerleri, oıyn alańdary, adamdar qol tıgizýi múmkin barlyq oryndar. Vırýs eshqaıda ketpegenin túsiný kerek. Barlyq sanıtarııa normalaryn qatań saqtaý kerek. Bul bir mezgilde jappaı ınfektsııanyń aldyn alýǵa múmkindik beredi», - dep atap ótti dezınfektorlar.

Bas dárigerdiń qaýlysyna sáıkes, saýda oıyn-saýyq ortalyqtarynyń, bazarlardyń basshylary óz aýmaǵynda dezınfektsııa júrgizýi tıis. Qala turǵyndary sanıtarııa normalaryn qatań saqtaý kerek: maska taǵyp, antıseptıkterdi qoldanyp, áleýmettik qashyqtyqty saqtaý mańyzdy.


Basty sózder: Koronavırýs, Nur-Sultan,
Joǵary qaraı