Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Denıs Tenniń qurmetine mánerlep syrǵanaýdan halyqaralyq týrnır ótedi

2021 jyldyń 15 qazan 2021 16:02

NUR-SULTAN. QazAqparat – Nur-Sultan qalasynda mánerlep syrǵanaýdan tanymal sportshy bolǵan Denıs Tenniń qurmetine halyqaralyq týrnır ótedi. Bul týraly QR Mádenıet jáne sport mınıstri Aqtoty Raıymqulova málim etti, dep habarlaıdy QazAqparat tilshisi.

«Otandyq sportta el namysyn qorǵap, kók týymyzdy jelbiretip júrgen sportshylar barshylyq. Sonyń biri Denıs Ten. Sportshy qysqa ómirinde álemdik arenalarda Ánuranymyzdy oınatyp, týymyzdy jelbiretip úlgerdi. Denıs Tenniń qurmetine oraı sport qaýymdastarymen birlesip keń aýqymdy shara ótkizgeli otyrmyz. Negizi ótken jylǵa josparlaǵan edik, pandemııanyń saldarynan keıinge shegerýge týra keldi. Árıne Denıs Tenniń qurmetine buǵan deıin de túrli sharalar ótip jatyr, biraq olar áýesqoı deńgeıde», - dedi Aqtoty Raıymqulova elordada ótip jatqan ulttyq mektep sport lıgasy barysynda.

Mınıstrdiń aıtýynsha, «Denis Ten Memorial Challenge» atty mánerlep syrǵanaýdan halyqaralyq týrnır osymen ekinshi ret uıymdastyrylyp otyr. Jáne ol 28-31 qazan kúnderi elordadaǵy «Barys Arena» sporttyq kesheninde ótedi.

Aıta ketsek, mınıstrlik uıytqy bolǵan sharany Ulttyq Olımpıada komıteti men Nur-Sultan qalasynyń ákimdigi qoldap, «Denıs Ten qory» qoǵamdyq mekemesi uıymdastyryp otyr.

Sondaı-aq, halyqaralyq týrnırge 20 memleketten 100 sportshy qatysady dep kútilýde.


Avtor Álı Ibraev
Basty sózder: Nur-Sultan, Mádenıet, Sport,
Joǵary qaraı