Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada boıjetken aıaldama shynysyn, turaqtaǵy kólikterdiń terezelerin syndyrdy

2021 jyldyń 19 qazan 2021 02:05

NUR-SULTAN. QazAqparat – Elordada boıjetken qyz aıaldama shynysyn, turaqtaǵy kólikterdiń terezelerin syndyrǵan, dep habarlaıdy QazAqparat.

«Nur-Sultan qalalyq Polıtsııa departamenti Jedel basqarý ortalyǵyna Bógenbaı batyr dańǵyly boıynda belgisiz boıjetken aıaldama shynysyn jáne jaqyn mańda turaqta turǵan kólikterdiń terezelerin syndyryp jatqany týraly habarlama tústi. Patrýldik polıtsııa polkiniń qyzmetkerleri Petropavl qalasynyń 23 jastaǵy turǵynyn ustady. Anyqtalǵandaı, ol kirpishpen aıaldama shynysyn, keıin Toyota Corolla jáne Nissan kólikteriniń artqy terezelerin syndyrǵan», - delingen Rolisia.kz aqparatynda.

Atalǵan fakti boıynsha «Buzaqylyq» babymen qylmystyq is qozǵaldy.

«Qoǵamdyq tártipti asa óreskel buzǵany jáne ózgeniń múlkin búldirgeni úshin ustalǵan azamatshaǵa qatysty sotqa deıingi tergep-tekserý amaldary bastaldy. Keltirilgen zalal somasy anyqtalyp jatyr», - dedi Baıqońyr aýdandyq polıtsııa basqarmasy bastyǵynyń orynbasary Darhan Saıranbekov.



Joǵary qaraı