Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada bir táýlikte 142 jol-kólik apaty boldy

2021 jyldyń 25 qarasha 2021 12:27

NUR-SULTAN. QazAqparat – Elordada bir táýlikte 142 jol-kólik apaty boldy, dep habarlaıdy QazAqparat tilshisi.

«Ótken táýliktiń ishinde elorda aýmaǵynda 142 jol-kólik oqıǵasy oryn alyp, 5 adam zardap shekti. Al tańerteńgi saǵat 8:00-den bastap qazirgi ýaqytqa deıin 45 jol-kólik oqıǵasy boldy», - dep atap ótti Nur-Sultan qalalyq polıtsııa departamentinen.

Aıta keteıik, elordada qalyń qar jaýýyna baılanysty avtobýstar, ushaqtar keshigip, jolda keptelis týyndap otyr.

Osyǵan oraı Nur-Sultan qalasy polıtsııa departamenti kólik ıelerine aýa raıynyń qolaısyzdyǵyna baılanysty jolda asa muqııat bolý kerektigin eskertti.

«Qar tolassyz jaýǵandyqtan arnaıy tehnıka elorda kóshelerin tazalaý úshin táýliktik rejımen jumys istep jatyr. Júrgizýshilerdi kóligin jol boıynda qańtarmaýǵa shaqyramyz. Bul qar kúreý jumystary men qoǵamdyq kóliktiń qozǵalysyna kedergi keltiredi. Jol júrý erejelerin qatań saqtap, jyldamdyq pen jáne qaýipsiz qashyqtyq rejımin saqtańyz», - dep jazady departamenttiń baspasóz qyzmeti.

Qala ákimdiginiń málimetinshe, búgin qar kúreýge 2 000 arnaýly tehnıka men 1 900 jumysshy jumyldyrylǵan.


Avtor Marlan Jıembaı
Basty sózder: Nur-Sultan, Qoǵam, Aýa raıy, Kólik, Jol,
Joǵary qaraı