Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada banner qulap, áıel men bala zardap shekti

2022 jyldyń 27 mamyr 2022 12:21

NUR-SULTAN. QazAqparat – Elordada qatty jeldiń saldarynan alyp banner qulap, eki adam zardap shekti, dep habarlaıdy QazAqparat tilshisi.

Elorda turǵynynyń ústine banner qulaǵany týraly aqparat áleýmettik jelide tarady.

Oqıǵa Beıbitshilik pen kelisim saraıy mańynda bolǵan. Qatty jel bannerdi shamamen 15 metr jerge deıin ushyrǵan.

Sonyń saldarynan elorda turǵyny túrli dene jaraqatyn alǵan.

Nur-Sultan qalalyq densaýlyq saqtaý basqarmasy baspasóz qyzmetiniń málimetinshe, jaralanǵandar sany ekeý. Jedel medıtsınalyq járdem brıgadasy oqıǵa ornyna 3 mınýtta jetken.

«Zardap shekkender (1 eresek adam, 1 jasóspirim) túrli jaraqatpen kópbeıindi qalalyq statsıonarlarǵa jetkizildi. Olarǵa qabyldaý bólimi deńgeıinde aýrýhanalardyń beıindi mamandary búkil qajetti medıtsınalyq kómekti kórsetti», - dep atap ótedi basqarmadan.




Basqarma málimetinshe, zardap shekken áıel túrli jaraqatpen aýrýhanaǵa jatqyzyldy, jaǵdaıy birqalypty.

«Naýqas aýrýhanada tolyq saýyqqanǵa deıin statsıonarlyq em qabyldaıdy. Jaraqat alǵan jasóspirimdi mamandar qarap shyqty. Medıtsınalyq tekserý kezinde naýqastyń jaǵdaıy ortasha, asqyný bolmady. Dárigerler tolyq tekserý júrgizdi. Sodan keıin syrqat ambýlatorııalyq emdeýge jiberildi», - dedi vedomstvodan.


Avtor Marlan Jıembaı
Basty sózder: Nur-Sultan, Oqıǵa,
Joǵary qaraı