Aýa raıy
Astana -10 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Elordada bala kútýshisi úı ıesinen 2 smartfon urlap ketken

2020 jyldyń 2 jeltoqsan 2020 14:34

NUR-SULTAN. QazAqparat - Elordada 25 jastaǵy bala kútýshisi jumys berýshisinen qymbat 2 smartfon urlady degen kúdikpen ustaldy, dep habarlaıdy QazAqparat tilshisi.

Nur-Sultan qalalyq Polıtsııa departamentiniń málimetinshe, tekserý barysynda kúdikti qyzdyń 4 aı bala kútýshisi bolyp jumys istegeni anyqtalǵan. Ol jumystan shyǵar aldynda jumys berýshileriniń páterinen «iPhone» jáne «Samsung» smartfonyn urlap ketip, satyp jibergen. Telefondardyń joǵalýyn bala kútýshisiniń jumystan shyǵýymen baılanystyrǵan otbasylyq jup polıtsııaǵa júgingen.

«Ustalǵan azamatsha kinásin moıyndap jaýap berdi. Onyń aıtýynsha, balany baǵyp-qaqqan páterde birneshe smarfton bolǵan jáne úı qojaıyndary urlyqtyń bolǵanyn baıqamaı qalady dep úmittengen. Atalǵan fakti boıynsha QR Qylmystyq kodeksiniń 188-babymen sotqa deıingi tergeý júrgizilip jatyr. Tergeý jalǵasýda, ustalǵan azamatshanyń elorda aýmaǵynda buǵan deıin jasalǵan osyǵan uqsas qylmystarǵa qatysy tekserilýde», - dedi vedomstvodan.


Avtor Marlan Jıembaı
Basty sózder: Qylmyspen kúres, Nur-Sultan,
Joǵary qaraı