Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada aıaldama jáne kólik áınegin syndyrǵan qyz ustaldy

2021 jyldyń 16 qazan 2021 13:03

NUR-SULTAN. QazAqparat – Elordada qoǵamdyq kólik aıaldamasy áınegin syndyrǵan qyz ustaldy. Bul týraly Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.

«Keshe saǵat 22:11-de Nur-Sultan qalalyq polıtsııa departamentiniń Jedel basqarý ortalyǵyna Bógentaı batyr dańǵyly boıynda belgisiz adamnyń aıaldamanyń jáne oǵan taıaý mańda turǵan kólikterdiń áınegin syndyryp júrgeni týraly habarlama tústi. Patrýldik polıtsııa polkiniń qyzmetkerleri 23 jastaǵy Petropavl qalasynyń turǵynyn ustady. Kúdik qyzdyń qolynda kirpishpen aldymen aıalama áınegin, odan keıin «Toyota Corolla» jáne «Nissan» markaly kólikterdiń artqy terezelerin syndyrǵany anyqtaldy», - delingen departament málimetinde.

Vedomstvo aqparatyna sáıkes, atalǵan fakt boıynsha «buzaqylyq» babymen qylmystyq is qozǵalǵan.

«Qoǵamdyq tártipti óreskel buzǵany, sonymen qatar ózgeniń múlkin búldirgeni úshin ustalǵan adamǵa qatysty sotqa deıingi tergeý bastaldy. Shyǵyn somasy anyqtalyp jatyr», - dedi «Baıqońyr» aýdandyq PB bastyǵynyń orynbasary Darhan Saıranbekov.


Avtor Marlan Jıembaı
Basty sózder: Vıdeo, Nur-Sultan, Oqıǵa,
Joǵary qaraı