Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada aýla qaryn kúremegeni úshin PIK pen MIB basshylaryna aıyppul salynady

2021 jyldyń 29 qarasha 2021 02:22

NUR-SULTAN. QazAqparat - Nur-Sultanda aýlanyń qaryn ýaqytyly kúremegeni úshin PIK pen MIB basshylaryna aıyppul salynady, dep habarlaıdy Nur-Sultan ákimdiginiń resmı saıty.

Elordada qardy ýaqytyly kúremegeni jáne shyǵarmaǵany úshin qyzmet kórsetetin 52 uıymǵa qatysty 142 kóppáterli turǵyn úı boıynsha buzýshylyqtardy joıý jóninde uıǵarym berildi. Jalpy sany 360 PIK pen MIB basshysy tıisti eskertý aldy,

Elorda aýmaǵyn abattandyrý erejelerine sáıkes, kondomınıým obektisin basqarý organdary – PIK, MIB sanıtarlyq tazartýdy, onyń ishinde úıdiń perımetri boıynsha bes metr shekaradaǵy irgeles aýmaqtyń qaryn kúreýdi qamtamasyz etýi mindetti.

Elordada aýdan ákimderiniń apparatty qalanyń jergilikti polıtsııa qyzmetiniń tabıǵat qorǵaý polıtsııasy ókilderimen birlesip qardan tazalaý boıynsha monıtorıng júrgizýde. Júrgizilgen jumystardyń nátıjeleri boıynsha 52 qyzmet kórsetýshi uıymǵa qatysty 142 KPTÚ boıynsha sharalar qabyldandy – buzýshylyqtardy joıý jóninde nusqamalar berildi. Sondaı-aq, kóppáterli turǵyn úılerge qyzmet kórsetetin 360 uıymnyń basshylary tıisti eskertý aldy.

Qyzmet kórsetetin uıymdarǵa qatysty berilgen nusqamalar oryndalmaǵan jaǵdaıda «Ákimshilik quqyq buzýshylyq týraly» Qazaqstan Respýblıkasy Kodeksiniń 505-babyna sáıkes ákimshilik jazalaý sharalary qabyldanatyn bolady. Qardy ýaqytyly jınamaǵany úshin PIK pen MIB basshylaryna 87 510 teńgeden 291 700 teńgege deıin aıyppul salynady. Osyǵan uqsas buzýshylyqqa jol berilgen jaǵdaıda, aıyppul mólsheri 116 680 teńgeden 875 100 teńgege deıin ósýi múmkin.

Elorda turǵyndary men qonaqtary úshin qaýipsiz jáne jaıly ortany qamtamasyz etý maqsatynda qardy ýaqytyly jınaý máselesi qala ákimdiginiń erekshe baqylaýynda.

Aıta ketý kerek, elordanyń kommýnaldyq qyzmetteri qysqy kezeńniń basynan bastap kúsheıtilgen rejımde, táýlik boıy jumys isteıdi.



Basty sózder: Nur-Sultan, Qoǵam,
Joǵary qaraı