Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Atyraý men Jambyl oblystarynyń jármeńkesinde 336 tonna ónim satylady

2021 jyldyń 17 qyrkúıek 2021 07:40

NUR-SULTAN. QazAqparat – Demalys kúnderi, ıaǵnı 18 jáne 19 qyrkúıek aralyǵynda elordada Atyraý men Jambyl oblystarynyń kezekti aýyl sharýashylyǵy jármeńkesi ótedi, dep habarlaıdy QazAqparat qala ákimdigine silteme jasaap.

Jármeńke dástúrli túrde sanıtarlyq talaptardy saqtaı otyryp, «Han Shatyr» SOO janyndaǵy alańda ótedi.
Jalpy alǵanda eki oblys elordaǵa 336 tonna ónim ákeledi, ol naryq baǵasynan 10-15% tómen baǵamen satylady.

Atyraý oblysy qala turǵyndaryna 20 tonnadan astam et, 36 tonna balyq jáne balyq ónimderi, 3 tonna sút ónimi, 1 tonna shujyq ónimi, 90 tonna kókónis ónimi, sondaı-aq 60 myń jumyrtqa, 500 keli nan ónimi, 0,5 tonna et konservi, 1 tonna makaron ónimi, 0,5 tonna un ákeledi.

Al Jambyl oblysy elordaǵa 18 tonna et (jylqy eti, sıyr eti, qoı eti jáne qus eti), 3,5 tonna shujyq ónimi, 12,1 tonna sút ónimi, 5,4 myń dana jumyrtqa, 1 tonna kondıterlik ónim, 3 tonna makaron ónimi, 5 tonna qant, 0,3 tonna tuz, 4 tonna balyq, 2,7 tonna ósimdik maıy, 2,5 tonna bal, 1 tonna keptirilgen jemis, sondaı-aq 128,6 tonna kókónis pen jemis satylady.


Joǵary qaraı