Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Álibek Dinishevtiń mereıtoılyq kontserti ótti

2021 jyldyń 23 qazan 2021 00:13

NUR-SULTAN. QazAqparat - Elordada ańyzǵa aınalǵan ánshi Álibek Dinishevtiń mereıtoılyq kontserti ótti, dep habarlaıdy QazAqparat Astana opera teatryna silteme jasap.

QazKSR jáne KSRO Halyq ártisi, QR Memlekettik syılyqtarynyń laýreaty, Qazaqstannyń Eńbek Eri, áıgili tenor Álibek Dinishev 22 qazanda «Astana Opera» sahnasynda mereıtoılyq kontsertpen óner kórsetti. Shyǵarmashylyq keshti QR Mádenıet jáne sport mınıstrligi ótkizdi. Súıikti ónerpazyn sahnadan jibergisi kelmegen kórermen qaýym úshin ánshi mýzykalyq shlıagerge aınalǵan týyndysyn bıske tamasha oryndap berdi.

Mazmundy baǵdarlamaǵa «Astana Opera» teatrynyń hory jáne Qazaqstannyń eńbek sińirgen qaıratkeri Aleksandr Belıakovtyń jetekshiligimen Almaty qalasy ákiminiń estradalyq-sımfonııalyq orkestri qatysty.




Álibek Dinishev barshaǵa súıikti «Lıýblıý tebıa, moı kraı rodnoı…» ánimen kontserttiń shymyldyǵyn ashty. Sondaı-aq jınalǵan jurt Álibek Musaulynyń tamasha oryndaýyndaǵy Abaıdyń «Jelsiz túnde jaryq-aı», Jaıaý Musanyń «Aqsısa», «Aqbaqaı» halyq ánderine joǵary baǵasyn berdi. Zaldaǵy kórermender M.Blanter, I.Selvınskııdiń «Za vysokımı goramı», V.Solovev-Sedoı, M.Isakovskııdiń «Ýslysh menıa, horoshaıa», A.Babadjanıan, R.Rojdestvenskııdiń «Zımnıaıa lıýbov», A.Babadjanıannyń «Zagadaı jelanıe» sııaqty tanymal shyǵarmalardy ataqty ártispen birge qosylyp shyrqady.




Budan bólek, kesh baǵdarlamasynda Dj.Kachchınıdiń «Ave Maria», F.P.Tostı, G.D’Annýntsıonyń «’AVucchella», A.Laranyń «Solamente una vez» jáne taǵy basqa batys eýropalyq repertýardyń kóptegen ánderi usynyldy.




Kórermen qaýym súıikti ártisin uzaq ýaqyt boıy sahnadan jibermedi: «Bravo», «Bıs» degen daýystar zaldyń barlyq buryshynan estilip jatty, al ataqty tenor óz ónerine tabynýshylarǵa arnap, K.Velaskezdiń «Besame mucho» ánin shyrqady. Tyńdarmandar opera sahnasynyń ańyzyna aınalǵan tulǵasyna tik turyp qoshemet kórsetti.



















































Basty sózder: Nur-Sultan, Mádenıet,
Joǵary qaraı