Elordada aldaǵy jeksenbi qoǵamdyq kólik júrmeıdi
NUR-SULTAN. QazAqparat - Jeksenbi, 6 jeltoqsanda elordada qoǵamdyq kólikter júrmeıdi, dep habarlaıdy QazAqparat tilshisi.
City Transportation Systems (CTS) kompanııasynyń aqparatyna oraı, 6 jeltoqsanda Nur-Sultan qalasynyń bas memlekettik sanıtar dárigeriniń qaýlysyna sáıkes, qoǵamdyq kólik jumysy bir kúnge toqtatylady. Avtobýstar men avtoparkterde dezınfektsııalyq jumystar júrgiziledi.
«Dúısenbi, 7 jeltoqsannan bastap avtobýstar qalypty kestesine sáıkes qaıtadan qatynaıdy. Barlyq ózgerister týraly resmı paraqshamyzdan bile alasyz. Barshańyzdy sanıtarlyq normalardy saqtaýǵa shaqyramyz. Avtobýstarǵa betperdesiz kirýge bolmaıdy. Jol aqysy tek qolma-qol aqshasyz tólenedi», - dep atap ótedi kompanııadan.
