Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada alaıaq jaldamaly páter alyp berýge ýáde etken

2020 jyldyń 3 jeltoqsan 2020 10:30

NUR-SULTAN. QazAqparat - Elorda polıtsııasy jalǵa beriletin páterlerge qatysty alaıaqtyq jasaý kúdigimen 38 jastaǵy turǵyndy ustady, dep habarlaıdy QazAqparat tilshisi.


Polisia.kz portalynyń málimetinshe, jedel izdestirý sharalaryn júrgizý barysynda buǵan deıin alaıaqtyǵy úshin isti bolǵan 38 jastaǵy elorda turǵyny qolǵa tústi. Qazirgi ýaqytta atalǵan azamattyń ústinen jyljymaıtyn múlikke qatysty alaıaqtyqtyń 2 faktisi boıynsha sotqa deıingi tergeý amaldary júrgizilip jatyr.

Tergeý barysynda kúdiktiniń zardap shegýshilerge «Jalǵa beriletin páter» baǵdarlamasy aıasynda baspanaly bolýǵa ýáde bergeni jáne sol kómegi úshin aqsha alǵany anyqtaldy. Zardap shegýshiler onyń sózine senip, 205 myń teńge bergen.

«Osydan keıin kúdikti tanystarymen baılanysqa shyqpaı qoıǵan. Úsh aıdan keıin aldanǵandaryn túsingen zardap shegýshiler polıtsııaǵa júgindi. Ustalǵan adam tergeý ızolıatoryna qamaldy. QR Qylmystyq kodesiniń 190-babymen sotqa deıingi tergeý amaldary júrgizilip jatyr», - delingen taratylǵan aqparatta.


Joǵary qaraı