Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada alaıaq áıel 19 adamdy aldap, 3,5 mıllıon teńgesin alyp ketken

2021 jyldyń 27 qyrkúıek 2021 14:58

NUR-SULTAN. QazAqparat – Elorda polıtseıleri aqshańdy kóbeıtip berem degen jeleýmen 19 adamdy aldap soqqan 22 jastaǵy alaıaq áıeldi ustady, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.

Ol óziniń jymysqy oıyn júzege asyrý úshin WhatsApp messendjerinde top ashyp, adamdardy sporttyq sharalarǵa aqsha tigýden paıda tabý boıynsha qyzmetin usynǵan. Adamdardyń senimine kirý úshin, topta feık chekter men utys túbirtekterin jarııalaǵan. Áıel táýlik ishinde 100 paıyz paıda utysqa ıe bolýdy ýáde etip, osy usynysyna qyzyqqandardy elektrondyq ámııanǵa aqsha aýdarýǵa kóndirgen. Ańqaý azamattar elektrondyq ámııanǵa 100 myńnan 300 myńǵa deıin aqsha aýdardy. Qaskúnem aqshany aýdartyp alǵan soń jábirlenýshilerdiń nómirlerin buǵattap otyrdy.

Tergeý barysynda kúdiktiniń sportqa aqsha tigýge esh qatysy bolmaǵany, aqshany óz qalaýymen jumsaǵany anyqtaldy.

Atalǵan is boıynsha QR Qylmystyq kodeksiniń 190-babynyń 3-bólimimen qylmystyq is qozǵaldy. Qazirgi kezde ustalǵan áıel 19 epızodqa qatysy bar degen kúdikke ilindi, alaıda onyń qolynan jábirlengender budan da kóp bolýy ábden múmkin. Keltirilgen shyǵynnyń jalpy somasy 3 500 000 teńgeni quraǵan.

Pandemııa kezeńinde Internette aqshany kóbeıtý boıynsha qyzyqtyratyn usynystar sany kóbeıe tústi.

Nur-Sultan qalasynyń polıtsııa departamenti azamattardy saq bolyp, jelidegi alaıaqtardyń aılasyna aldanbaýǵa, Internet jelisinde tabysyn kóbeıtý boıynsha senimsiz aktsııalarǵa qatyspaý kerektigin eskertedi.


Joǵary qaraı