Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada akýsherlik statsıonardaǵy júkti áıelderdiń sany kúrt artty – Zaıtýna Hamıdýllına

2022 jyldyń 15 qańtar 2022 15:38

NUR-SULTAN. QazAqparat – Sońǵy kúnderi elordada koronavırýstyń taralýy kúrt artyp, epıdemıologııalyq jaǵdaı ýshyǵyp ketti. Bul týraly densaýlyq saqtaý mınıstrligimen qatar, qalalyq densaýlyq saqtaý basqarmasy da dabyl qaǵyp jatyr. Osy oraıda QazAqparat tilshisi elordadaǵy epıdjaǵdaı men vaktsınatsııa protsesine qatysty Nur-Sultan qalasy qoǵamdyq densaýlyq saqtaý basqarmasynyń shtattan tys bas akýsher-gınekology, akýsher-gınekologııalyq kafedrasynyń meńgerýshisi, joǵary sanatty akýsher-gınekolog Zaıtýna Hamıdýllınadan surap bilgen edi.

«Qala boıynsha 3 akýsherlik statsıonar bar. Jańa jylǵa deıin onda 3-4 patsıent bolsa, sońǵy kúnderi epıdjaǵdaı qıyndap, akýsherlik statsıonardaǵy júkti áıelderdiń sany 137-ge jetti. Degenmen júkti áıelder arasynda aýyr jaǵdaıda túskender joq. Vaktsına saldyrýǵa qatysty júkti áıelderdiń arasyndaǵy basty problema olar qorqady. ıAǵnı ishtegi balaǵa zııanyn tıgize ma dep ýaıymdaıdy. Desekte biz usynǵan nusqaýlyqqa sáıkes, júktilikten keıin 16 aptadan soń vaktsına alýǵa bolady», - dedi Zaıtýna Hamıdýllına.

Onyń aıtýynsha, elordada epıdjaǵdaıdyń ýshyǵýyna turǵyndardyń karantın talaptaryn buzýy da sebep bolyp otyr.

«Kóp adamdar indetten saqtanýdyń qarapaıym tásili maskanyń ózin taqpaı jatady. Daladan kelgende mindetti túrde qoldy jaqsylap jýý kerek. Odan qaldy jańa jyl kezinde aralas-quralas kóbeıip ketti. Kópshiliktiń qatysýymen ótetin sharalar da tyıylmaı tur. Oıyn-saýyq jáne saýda ortalyqtarynda da adamnyń qarasy kóp. Mine, osynyń bári koronavırýstyń odan ári taralýyna ákelip otyr. Árıne, óz tarapymyzdan turǵyndar arasynda túsindirý jumysyn ótkizip jatyrmyz. Osy jaǵdaıdy paıdalanyp qaıtalap aıtamyn, karantın talaptaryn saqtańyzdar. Kópshilik jınalatyn oryndardan aýlaq bolyńyzdar», - deıdi ol.

Sondaı-aq, maman jalpy astanalyqtarǵa onyń ishinde júkti áıelderge vaktsına alýǵa keńes berdi.

«Júktilikke deıin, júktilik kezinde jáne odan keıin de vaktsına alýǵa bolady jáne alý qajet. Sol sııaqty ekpe alýǵa jasy jetken jasóspirimder men egde jastaǵy azamattar da vaktsına alǵany abzal. Árıne, ekpe almas buryn dárigerdiń qaraýynan ótken jón. Elordada 15 memlekettik emhana bar. Qazir onda turǵyndar vaktsına alyp jatyr. Ár emhana vaktsına alýǵa qatysty ishki júrgizip, sol arqyly qala boıynsha jaǵdaı baqylaýda. Koronavırýsqa qarsy vaktsına alýda taǵy bir kedergi halyq arasynda tarap jatqan túrli qaýesetter. Keıbir turǵyndar jalǵan aqparatqa senip, ekpege kúmánmen qarap jatyr. Mamannyń keńesine senbeı, daqpyrt sózderge eretini ókinishti. Biz otbasymyzben vaktsınany áldeqashan saldyrǵanbyz. Sondyqtan indetti jeńý jolynda barshaǵa vaktsına alýǵa keńes beremin», - dedi Z. Hamıdýllına.





Joǵary qaraı