Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada 42 myń tonnadan astam qoqys kádege jaratyldy

2021 jyldyń 28 shilde 2021 14:14

NUR-SULTAN. QazAqparat - Nur-Sultanda stıhııalyq qoqystarmen kúres óz nátıjesin berýde. Ruqsat etilmegen polıgondardyń úshten biri azaıdy. Bul týraly qala ákimdiginiń resmı saıty habarlady.

Elordalyq qorshaǵan ortany qorǵaý jáne tabıǵatty paıdalaný basqarmasynyń málimetinshe, jýyrda Aqmola oblysynyń Aınalma joly aýmaǵynda, sondaı-aq Baıqońyr aýdanynda vedomstvo ınspektorlary apatty qoqys úıindileri boıynsha reıdtik is-sharalar ótkizdi. Reıd barysynda polıgondar joıyldy.

Ótken jylmen salystyrǵanda ruqsat etilmegen qoqys tastaıtyn oryndar sany ákimdik tarapynan kúsheıtilgen baqylaýdyń nátıjesinde 533-ten 385-ke deıin, ıaǵnı úshten biri azaıǵan.

Esterińizge sala keteıik, ruqsat etilmegen qoqys oryndary jyl saıyn «Qazaqstan Ǵarysh Sapary» AQ Geoportalynyń ǵaryshtyq monıtorıngi arqyly tabylyp, joıylady.

Bıyl 42 myń tonnadan astam qoqys kádege jaratylyp, 100-den astam ruqsat etilmegen qoqys úıindisi joıyldy.


Basty sózder: Ónerkásip, Ekologııa, Nur-Sultan,
Joǵary qaraı