Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada 3 jasóspirim bank «tonamaq» boldy

2021 jyldyń 6 jeltoqsan 2021 20:17

NUR-SULTAN. QazAqparat – Elordada áleýmettik jelige rolık túsirý maqsatynda qoǵamdyq tártipti buzǵan kámeletke tolmaǵandar ustaldy. Bul jaıynda Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.

«Elordadaǵy bankterdiń biriniń menedjerinen «102» arnasyna belgisiz adamdardyń ǵımaratta júrgeni jáne klıentterge qoqan-loqy jasaǵany týraly habarlama tústi. Oqıǵa ornyna jetken polıtsııa qyzmetkerleri faktini rastaǵan joq. Tekserý barysynda 14-15 jastaǵy úsh jasóspirimniń Dostyq kóshesi boıyndaǵy bank ǵımaratyna qarjy ınstıtýtyn ótirik tonaý vıdeosyn túsirý úshin kirgeni anyqtaldy. Olar oıynshyq tapansha qoldanyp, vıdeo túsirim jasap, odan keıin boı tasalaǵan», - dep atap ótedi departamentten.


Polıtsııa qyzmetkerleri atalǵan úsh jasóspirimdi anyqtap, olardyń zańdy ókilderin ishki ister organyna shaqyrǵan. Balalardyń atap ótýinshe, olar rolık túsirýmen aınalysatyn kınoakademııada tálim alady. Sabaq barysynda olarǵa tonaý sáti beınelengen rolık túsirý tapsyrmasy berilgen. Stsenarııge oraı qyz bala bank ǵımaratyna kirgennen keıin oıynshyq tapanshany seriktesine kezengen kezde úshinshisi oryn alǵan sátti kameraǵa túsirip alǵan. Osy ýaqytta bank ǵımaratynda ózge de kelýshiler bolǵan.

«Atalǵan fakti boıynsha kınoakademııa basshylyǵyna qatysty QR ÁQBtK-tiń 128-babymen ákimshilik is qozǵaldy. Kámeletke jasy tolmaǵandardyń qoǵamdyq tártipti buzǵany úshin olardyń zańdy ókilderi jaýapqa tartyldy. Ata-analarynyń ústinen QR ÁQBtK-tiń 435-babymen ákimshilik is qozǵalyp otyr. Jınalǵan materıl protsessýaldyq sheshim qabyldaný úshin Nur-Sultan qalalyq kámeletke tolmaǵandar isi jónindegi mamandandyrylǵan aýdanaralyq sotyna jiberildi», - delingen vedomstvo aqparatynda.


Joǵary qaraı