Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada 27 myńnan astam medıtsına qyzmetkeri ústemeaqy aldy

2021 jyldyń 29 shilde 2021 20:34

NUR-SULTAN. QazAqparat – Nur-Sultan qalasynda jyl basynan beri 27 myńnan astam medqyzmetker memleketten ústemaqy aldy. Bul týraly Áleýmettik-medıtsınalyq saqtandyrý qory Nur-Sultan qalasy boıynsha fılıalynyń dırektory Nurlybek Qabdyqaparov málim etti, dep habarlaıdy QazAqparat tilshisi.

«Bıyl qańtar aıynda elordada 3 614 medıtsına qyzmetkerine 1,29 mlrd teńge somasynda ústemeaqy, aqpanda 4 019 medıtsına qyzmetkerine 1,36 mlrd teńge somasynda ústemeaqy tólendi. Naýryz aıyndaǵy tólemder somasy 4 081 qyzmetkerge 1,55 mlrd teńgeni quraıdy. Sáýir aıynda 5 759 medıtsına qyzmetkeri 2,35 mlrd teńgeden asa somada ústemeaqy aldy. Mamyr aıynda 5 711 medıtsına qyzmetkerine 2,64 mlrd teńgeden asa somada ústemeaqy berildi. Jáne ótken maýsym aıynda astanalyq 3 947 medıtsına qyzmetkeri 1,46 mlrd teńgege jýyq somada ústemeaqyǵa ıe boldy. Barlyǵy osy jyldyń І jartyjyldyǵynda medıtsına qyzmetkerine 10,65 mlrd teńgeden asa ústemeaqy tólendi», - dedi Nurlybek Qabdyqaparov ZOOM platformasynda ótken baspasóz máslıhatynda.

Buǵan deıin fılıal basshysy astanada ambýlatorııalyq medıtsınalyq qyzmetke bólinetin qarajat kóleminiń artatynyn málim etti.

Odan bólek, Nurlybek Qabdyqaparov 150 myńǵa jýyq elorda turǵynynyń tegin dári-dármekpen qamtylǵanyn jetkizdi.

Sondaı-aq, baspasóz máslıhatynda astanalyqtardyń 82,5%-y MÁMS júıesi arqyly saqtandyrylǵany aıtyldy.


Joǵary qaraı