Aýa raıy
Astana 19 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Elordada 118 mln teńge bıýdjet qarajatyn jymqyrǵan kásipkerler sottaldy

2020 jyldyń 15 maýsym 2020 09:58

NUR-SULTAN. QazAqparat – Nur-Sultan qalasynyń kásipkerleri 118 mln somasyndaǵy bıýdjet qarajatyn jymqyrǵandary úshin sottaldy. Bul týraly QazAqparatQarjy monıtorıngi komıtetine silteme jasap habarlaıdy.

QR QM Qarjy monıtorıngi komıteti Nur-Sultan qalasynda «QazIndustry» Qazaqstandyq ındýstrııa jáne eksport ortalyǵy» AQ bıýdjettik aqsha qarajatyn jymqyrý faktisi boıynsha eki kásipkerge qatysty qylmystyq tergeýdi aıaqtady.

Aıyptalýshylar baqylaýyndaǵy kásiporyndarǵa jalǵan tulǵalardy rásimdep, is júzinde negizgi qyzmetti ózderi júrgizip otyrǵan. Jymqyrý tehnologııalyq protsesterdi jetildirý boıynsha tehnıkalyq jabdyqtaýǵa qyzmet kórsetýge bergen, shyndyqqa saı kelmeıtin 118 mln teńge somasyndaǵy shyǵynnyń óteýin zańsyz alý arqyly júzege asyrylǵan.

Kórsetilgen memlekettik qarjylyq kómek eń aldymen OShB qoldaýǵa, sonymen qatar taýar, jumys jáne qyzmet kórsetýdiń ózindik qunynyń túsý saldary men shyǵyndy óteýge arnalǵan.

Nur-Sultan qalasynyń Esil aýdany sotynyń úkimimen kásipkerler QR QK 190-babynyń 4 b. (alaıaqtyq) sáıkes kináli dep tanylyp, árqaısysyna 5 jyl bıýdjet qarajatyn alýǵa qatysty qyzmetpen aınalysý quqyǵy men 6 jylǵa bas bostandyǵynan aıyrý jazasy taǵaıyndaldy.

Sot sonymen qatar yntymaqtyq tártipte kásipkerlerden «QazIndustry» Qazaqstandyq ındýstrııa jáne eksport ortalyǵy» AQ paıdasyna múliktik zalal esebinde 118 mln teńge men memleket kirisine ár kásipkerden 1 770 000 teńgeni memlekettik bajǵa óteý túrinde óndirip alýǵa qaýly shyǵardy.


Joǵary qaraı