Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada 10 mln arhıv qujatyn saqtaıtyn qoıma salý kerek - mınıstr

2021 jyldyń 17 maýsym 2021 17:28

NUR-SULTAN. QazAqparat – Elordada 10 mln arhıv qujatyn saqtaıtyn qoıma salý kerek. Bul týraly QR Prezıdenti janyndaǵy Adam quqyqtary jónindegi komıssııa otyrysynda Mádenıet jáne sport mınıstri Aqtoty Raıymqulova aıtty, dep habarlaıdy QazAqparat tilshisi.

«Nur-Sultan qalasynda QR Ulttyq arhıviniń arhıv qujattaryn, sondaı-aq memlekettik saqtandyrý qory qujattarynyń kóshirmelerin saqtaýdy júzege asyratyn, 10 mln qujat saqtaýǵa arnalǵan jeke arhıv qoımasyn salý máselesi qaraýdy talap etedi»,- dedi ol.

Onyń atap ótýinshe, arhıvterdiń júktelý problemasyn sheshý maqsatynda Mádenıet jáne sport mınıstrligi 2020 jylǵy jeltoqsanda qurylys jáne turǵyn úı-kommýnaldyq sharýashylyq komıtetine 200, 500 myń, 1 mln jáne 1,5 mln saqtaý birligine arnalǵan memlekettik arhıvtik úlgilik ǵımarattarynyń jobalyq-smetalyq qujattamasyn ázirleýge ótinim bergen.

«Óz kezeginde Indýstrııa jáne ınfraqurylymdyq damý mınıstrligi 2021 jylǵy 11 naýryzda Mádenıet jáne sport mınıstrliginiń ótinimi negizinde memlekettik arhıvter ǵımarattarynyń úlgilik jobalaryn ázirleý úshin 2022-2024 jyldarǵa arnalǵan bıýdjettik ótinim qalyptastyrdy. Respýblıkalyq bıýdjettik komıssııa ótinimdi maquldaǵan jaǵdaıda Indýstrııa jáne ınfraqurylymdyq damý mınıstrligi 2022 jyly zańnyń belgilengen talaptaryna sáıkes arhıv ǵımaratynyń úlgilik jobalaryn ázirleýge daıyn», - dedi Aqtoty Raıymqulova.


Joǵary qaraı