Aýa raıy
Astana -18 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Elorda turǵyny telefon urlap, ony qardyń astyna tyǵyp tastaǵan

2020 jyldyń 28 qarasha 2020 17:28

NUR-SULTAN. QazAqparat – Polıtsııa qyzmetkerleri jedel idestirý sharalaryn júrgizý barysynda telefon urlyǵyna kúdikti 34 jastaǵy elorda turǵynyn ustady, dep habarlaıdy Qazaqparat Nur-Sultan qalalyq PD baspasóz qyzmetine silteme jasap.

Tergeý kezinde polıtseıler ustalǵan azamattyń oǵan deıin medıtsınalyq kómek alý úshin aýrýhanaǵa barǵanyn anyqtady. Dárigerdi kútip otyryp, ol aýrýhanada jatqan basqa naýqastyń ótinishi boıynsha arby syrǵytqyny medbıkeler bólmesine alyp barǵan.

Medbıkeler bólmesinde er adam «Samsung» markaly uıaly telefonnyń qaraýsyz qalǵanyn kórip, osy jaǵdaıdy paıdalanyp, ony kabınetten alyp shyqqan.

Urlyqpen ustalýdan qoryqqan kúdikti dalaǵa shyǵyp, telefondy qardyń astyna tyǵyp tastaǵan. Sodan keıin ol dáriger qabyldaýyna qaıta oralǵan.

Em qabyldap bolǵannan keıin ol úıilgen qar astynan jasyrǵan oljasyn alyp shyǵyp, belgisiz baǵytqa qashyp ketken.

Ol urlyqtyń «izin jasyrǵan», biraq er adam aýrýhana aýmaǵy beınebaqylaý júıesimen jabdyqtalǵanyn jáne onyń áreketteri kameraǵa túsip qalǵanyn baıqamaǵan.

Kúdikti óz kinásin moıyndady. Er adam buǵan deıin jeke múlikti urlaǵany úshin sottalǵan eken.

Atalǵan fakti boıynsha QR QK 188-baby boıynsha sotqa deıingi tergeý júrgizilýde. Ustalǵan azamattyń elorda aýmaǵynda osyǵan uqsas buryn jasalǵan qylmystarǵa qatysy bar-joǵy anyqtalyp jatyr.

Nur-Sultan qalasynyń polıtsııa departamenti azamattarǵa saq bolýǵa jáne baǵaly zattaryn qaraýsyz qaldyrmaýǵa keńes beredi.


Basty sózder: Zań, Qylmyspen kúres, Nur-Sultan, Oqıǵa,
Joǵary qaraı