Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elorda turǵyny polıtsııa kóliginiń maketin syndyrǵany úshin jazalandy

2020 jyldyń 23 qarasha 2020 20:15

PETROPAVL. QazAqparat – Soltústik Qazaqstan oblysynda avtojoldardyń birinde turǵan polıtsııa patrýldik kóliginiń maketin buzaqy syndyryp ketken, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, júrgizýshilerdi tártipke salý maqsatynda bıyl avtojoldarda polıtsııanyń patrýldik kóliginiń 14 maketi qoıyldy. Olar negizinen qaýipti aımaqtarda, eldi mekenderdiń janyna ornatylǵan.

Taıynsha aýdany Kellerovka aýyly mańyndaǵy dámhanadan spırttik ishimdik ishken 33 jastaǵy elordalyq jaqyn mańda turǵan patrýldik kóliktiń maketin zaqymdaǵan. Makettiń bekitkishterin julyp, «dońǵalaqty», «aınany» syndyrǵan.




Buzaqyǵa qatysty «Usaq buzaqylyq» baby boıynsha ákimshilik materıal jınaldy. 18 qarasha kúni ákimshilik sot ótip, quqyq buzýshyǵa 5 AEK mólsherinde aıyppul salyndy.

«Buzaqy jasaǵan áreketine ókinip, maketti sotqa deıin jóndeý úshin aqsha tóledi. Qazir jóndelgen maket polıtsııa bólimine jetkizildi, 24 qarashaǵa deıin ornyna qoıylady. Ol Obýhovka, Kellerovka eldi mekenderiniń mańynda turǵan. Bul – aýdarylý, jaıaý júrginshilerdi soǵyp ketý sııaqty jol-kólik oqıǵalary jıi tirkeletin eń qaýipti ýchaskelerdiń biri. Al jol ınfraqurylymynyń belsendi elementteri, onyń ishinde patrýldik avtokólikterdiń maketteri apatty azaıtyp, adam ómirin saqtap qalýǵa kómektesedi», – deıdi Taıynsha aýdandyq polıtsııa bóliminiń bastyǵy Nurlyjan Aqtanov.





Joǵary qaraı