Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda turǵyndarynyń 65%-dan astamy KVI-ge qarsy ekpe aldy

2021 jyldyń 14 qyrkúıek 2021 15:38

NUR-SULTAN. QazAqparat - Elordada koronavırýstyń birinshi komponentimen 452 myńnan astam azamat ekpe aldy. Oqý jylynyń basynan bastap vaktsınatsııalanǵandardyń qataryn oqýshylardyń ata-analary jıi tolyqtyra bastady, dep habaarlaıdy QazAqparat qala ákimdiginiń resmı saıtyna silteme jasap.

«Vaktsınatsııa pýnktterin aralaý kezinde ekpe alý úshin otbasy bolyp keletinderdi baıqadym: ata-analary, baýyrlary, ápkeleri, úlken kisiler. Muny kórip biz tań qaldyq, óıtkeni bul azamattardyń óz densaýlyǵyna, ásirese balalaryna degen alańdaýshylyǵy artýyn bildiredi. Oqý jyly bastaldy, bul protsedýrany keıinge qaldyrýǵa bolmaıdy. Sebebi balalar arasynda aýrý paıda bola bastady, aýyr zardaptarǵa jol bermeý kerek. Árıne, balalardy mektepke tek muǵalimderdiń, oqytýshylardyń ózderi ekpe alǵan kezde ǵana jiberýge bolady. Búgin Nur-Sultan mektepterinde búkil ujym vaktsınatsııalandy», - deıdi Qoǵamdyq densaýlyq saqtaý basqarmasy basshysynyń orynbasary Álııa Rústemova.

Vedomstvo sonymen qatar kúzdiń bastalýymen maýsymdyq juqpaly aýrýlar sany artyp kele jatqanyn atap ótti. Sondyqtan qazir ózińizdi qorǵaý jáne ınfektsııaǵa qarsy vaktsınatsııalaý óte mańyzdy.

«Kópshilik biletindeı, kúzde JRVI, tumaý aýrýy bastalady. Kúzde biz balalarǵa aldyn alý úshin mantý jasaımyz, azamattardy tumaýǵa qarsy vaktsınatsııalaımyz, qazan aıynda basqa da profılaktıkalyq tekserýler júrgiziledi. Ózińizdi aýrýlardan qorǵaý úshin ekpeni ýaqytyly alý kerek. Tájirıbe kórsetkendeı, basqa juqpaly aýrýlar myńdaǵan adamnyń ómirin qıǵan KVI sııaqty qaýipti emes», - dep atap ótti basqarmada.

Ekpe arqyly ǵana densaýlyqty qorǵaýǵa, pandemııany jeńýge, ujymdyq ımmýnıtetti qalyptastyrýǵa bolady.


Joǵary qaraı