Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda turǵyndary ózine qol salmaq bolǵan boıjetkendi qutqaryp qaldy

2021 jyldyń 13 qazan 2021 17:08

NUR-SULTAN. QazAqparat – Elorda polıtsııasynyń 102 nómirine tańǵy saǵat 07:20-da bir adamnyń kópirden sekirmek bolyp turǵany týraly habarlama kelip túsken. Bul týraly QazAqparat Nur-Sultan qalasy Polıtsııa departamentiniń baspasóz qyzmetine silteme jasap habarlaıdy.

Kýáger áıeldiń aıtýynsha, kıimin sheship, kópirdiń jaqtaýyna taıanǵan boıjetkenniń áreketi birtúrli kúdik týdyrǵan. Osyǵan baılanysty áıel boıjetkendi áńgimege tarta bastaǵan. Osy sátte olarǵa jas jigit júgirip kelip, kópirden sekirmek bolǵan qyzdy ustap úlgergen. Qyz kópirden qulaýǵa sál-aq qalǵan.

Osylaısha, ómirinen kúder úzgen boıjetken ajaldan aman qalyp, qutqarshylary oǵan basý aıtyp, polıtsııaǵa tapsyrǵan.

«Men ózimdi keremet batyrmyn demeımin. Bolyp jatqan oqıǵany kórip turyp, dym bolmaǵandaı ketip qala almadym. Túptep kelgende ómirdiń qandaı da bir qıyndyǵyna tap bolǵan adamǵa qol ushyn sozý árbirimizdiń paryzymyz»,-deıdi 28 jastaǵy qala turǵyny.

«Sizge adam ómirin qutqaryp, belsendi azamattyq áreketińiz úshin alǵysymdy bildiremin», - dedi elorda polıtsııasynyń bastyǵy Erjan Sádenov Elena Kýrochkına men Darhan Jaqsylyqovqa Alǵys hattaryn tabystaı otyryp.

Balasy Darhandy marapattaý rásimine ákesi kelip, elorda polıtseılerine qyzmetine tabystar tiledi.


Basty sózder: Oqıǵa, Nur-Sultan,
Joǵary qaraı