Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elorda turǵyndary qarjy pıramıdalaryna 3,5 mlrd teńge aqsha salǵan

2022 jyldyń 19 mamyr 2022 10:25

NUR-SULTAN. QazAqparat – Nur-Sultan polıtseıleri qala turǵyndaryn 3,5 mıllıard teńge shyǵynǵa batyrǵan qarjy pıramıdalary boıynsha 10 qylmystyq is qozǵady, dep habarlaıdy QazAqparat Astanatv.kz saıtyna silteme jasap.

Bıyl elorda turǵyndarynyń arasynda «Otbasy men jastardy qoldau qory» dep atalatyn korporatıvtik qorynyń salymshylary eń kóp zardap shekken. Áleýmettik jobanyń atyn jamylyp jumys istep júrgen pıramıda óz salymshylaryna baspana alýǵa kómektesýdi ýáde etip, 100-den astam adamnan 1,6 mlrd teńge jınaǵan.

Tártip saqshylardyń aıtýynsha, mundaı uıymdardyń «toryna» kóbine halyqtyń áleýmettik osal toptary túsip júredi.

«Qarjy pıramıdalarymen kúreste halyqtyń qarjylyq saýattylyǵyn arttyrýǵa erekshe kóńil bólinýde. Kún saıyn 102 nómirine 50-den 60-qa deıin shaǵym túsip, ondaǵan qylmystyq is qozǵalady. Adamdar mıllıondap nesıe alyp, anyǵyna kóz jetkizbeı, basqalardyń qolyna tapsyra salady», - dedi Nur-Sultan qalalyq ІІB krımınaldyq polıtsııa bóliminiń bastyǵy Talǵat Bólegenov.

Jyl basynan beri pıramıdadan zardap shekkender 47 mıllıon teńgeni ǵana qaıtara alǵan. Mamandar bul máseleni sheshý úshin halyqtyń qarjylyq saýattylyǵyn arttyrý qajet ekenin atap ótti. Budan bólek, Parlament depýtattary qarjy pıramıdalaryn jarnamalaǵany úshin jaýapkershilik týraly zań jobasyna bastamashy boldy. Qujat maýsym aıynyń sońyna deıin qabyldanýy tıis.


Basty sózder: Qylmyspen kúres, Qarjy, Oqıǵa, Nur-Sultan,
Joǵary qaraı