Aýa raıy
Astana -13 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Elorda turǵyndary arasynda eń tanymal bes sport túri

2020 jyldyń 28 qazan 2020 18:08

NUR-SULTAN. QazAqparat – Elordalyq dene shynyqtyrý basqarmasy astanalyqtar arasynda eń tanymal belsendi bes sport túrin atady, dep habarlaıdy QazAqparat qala ákimdigine silteme jasap.

Elordada balalar men eresekter arasynda buqaralyq sportty damytý boıynsha turaqty jumys júrgizilýde. Jańa saıabaqtar, alańdar ashý jáne aýlalardy jaılastyrý tek qalanyń syrtqy kelbetin jaqsartý úshin ǵana emes, sonymen qatar qalalyqtardyń jaqsy ýaqyt ótkizýi úshin de júzege asyrylady. Búginde 340 myńnan astam Nur-Sultan turǵyny sportpen belsendi aınalysady.

Júgirý

Júgirý kezinde dene ottegimen qanyǵyp, barlyq ishki aǵzalardyń jumysyna jáne teriniń kúıine jaqsy áser etedi. Júgirý jattyǵýlary júrek pen qan tamyrlaryna, ókpege jáne aýrýlardyń aldyn alýǵa paıdaly. Turǵyndarǵa yńǵaıly bolý úshin elordanyń ár aýdanynda arnaıy jabdyqtalǵan soqpaqty saıabaqtar bar. Qazirgi ýaqytta elordada 116,4 km velosıped jáne júgirý joldary bar, ári qaraı ınfraqurylymdy damytý jumystary jalǵasady.





Velosıped tebý

Velosıpedpen júrý elorda turǵyndary arasynda jyl sanap tanymal bolyp keledi. Mamandar velosportpen aınalysýdyń ondaǵan paıdaly sebepterin ataıdy. Bul uıqynyń jaqsarýy, qan aınalymy, tózimdiliktiń joǵarylaýy, stresstiń tómendeýi jáne t.b. Qazaqstan astanasynda salaýatty ómir saltyna jaǵymdy bonýs - bul ádemi kórinister men jaıly jaǵdaılar. Velosıped súıer qaýym ony Trıatlon jáne Astanalyq saıabaqta, Botanıkalyq baqta tamashalaı alady.





Fýtbol

Búginde fýtbol alańdary kóptegen aýlalarda jabdyqtalǵan, balalar da, eresekter de osy sport túrimen qýana aınalysady. Qalada 318 fýtbol alańy bar.

Street workout

Strıt vorkaýt Qazaqstan astanasynda jyldan jylǵa tanymal bolyp keledi. Búgingi kúni bul eń qoljetimdi sporttyq is-sharalardyń biri. Aqyr sońynda, ózińizdiń formańyzdy saqtaý úshin jattyǵý zaldaryna, jeke jattyqtyrýshymen jáne arnaıy jabdyqtarmen sabaqtarǵa aqsha jumsaýdyń qajeti joq. Sizge tek yńǵaıly sport kıimderi men krossovka kerek. Búgingi tańda qalada 23 strıt vorkaýt alańy bar. Arnaıy jabdyqta ártúrli trıýk jasap, birneshe negizgi bulshyqet toptaryn: aıaq, moıyn, arqa, qol, ish pen keýde bulshyqetin shynyqtyra alasyz.




Skandınavııa júrisi

Skandınavııa júrisi qala turǵyndary arasynda eń tanymal sport túrleriniń bestigine kiredi. Zertteýlerge sáıkes, bul bulshyqetterdiń shamamen 90% -yna áser etip, júrgirýden góri eki ese kóp kalorııa jumsaýǵa kómektesedi. Sondyqtan saıabaqtarda jáne qala kóshelerinde siz ár túrli jastaǵy adamdardy arnaıy jabdyqpen jıi kezdestire alasyz.

«Memleket basshysynyń tapsyrmalaryn, sondaı-aq 2021 jyldan bastap balalar men jastar jáne buqaralyq sportty damytýdyń basymdyǵyn eskere otyryp, qarajatty qaıta bólý josparlanyp otyr. Balalardy dene shynyqtyrý men sportqa tartý maqsatynda sporttyq ınfraqurylymnyń qalyptasqan jaǵdaılaryna súıene otyryp, buqaralyq dene shynyqtyrý-saýyqtyrý jumystaryn aqysyz negizde damytýdyń keshendi baǵdarlamasy jasaldy», - dep atap ótti basqarmadaǵylar.




Baǵdarlamada fýtbol, shahmat, strıt vorkaýt, basketbol, balalardyń fıtnes jattyǵýy bar. Sondaı-aq zeınetkerlerge arnalǵan jattyǵýlar: skandınavııalyq serýendeý, ıoga, shahmat, doıby jáne basqa da sport túrleri. Osylaısha, salaýatty ómir saltyn qalyptastyrý jáne azamattardy buqaralyq sportqa baýlý boıynsha jumys jalǵasady.


Basty sózder: Nur-Sultan, Sport,
Joǵary qaraı