Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda shirkeýleriniń birinde taǵy urlyq jasaldy

2021 jyldyń 25 qarasha 2021 15:09

NUR-SULTAN. QazAqparat – Elordada er adam shirkeýde urlyq jasaý kúdigimen ustaldy. Bul jaıynda Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.

«Jedel is-sharalar júrgizý barysynda Nur-Sultan qalasy shirkeýleriniń birinen urlyq jasady degen kúdikpen 33 jastaǵy er adam ustaldy. Atalǵan urlyq faktisi jaıly polıtsııaǵa shirkeýdiń qyzmetkeri habar bergen», - delingen departament málimetinde.

Vedomstvo aqparatyna qaraǵanda, kúdikti saǵat 13:00 shamasynda dosymen birge Kúıshi Dına kóshesinde ornalasqan shirkeýge jylyný syltaýymen kirgen. Sodan ústeldiń ústinde «Samsýng» markaly uıaly telefonyn kóredi. Kúdikti eshkim baıqamaı turǵan sátti paıdalanyp, uıaly telefondy urlap ketedi. Keltirilgen shyǵyn kólemi 60 myń teńgeni quraıdy.

«Ury dál sol kúni turǵylyqty jerinde ustalyp, qylmysyn moıyndady. Kúdiktige qatysty sotqa deıingi tergeý júrgizilip jatyr. Onyń elorda aýmaǵynda osyǵan uqsas buryn jasalǵan qylmystarǵa qatysy tekserilýde», - dep atap ótedi departamentten.

Buǵan deıin elordadaǵy Serafım ǵımabadathanasynyń burynǵy kúzetshisi sybaılasymen birge qaıyrymdylyq jáshikterin urlap ketkenin jazǵan edik.



Joǵary qaraı