Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda polıtsııasy sıntetıkalyq esirtkiniń taralý qaýpi týraly aıtty

2021 jyldyń 24 qyrkúıek 2021 14:49

NUR-SULTAN. QazAqparat – Nur-Sultan qalalyq polıtsııa departamenti bastyǵynyń orynbasary Aıdos Rysbaev sıntetıkalyq esirtkiniń taralýy qaýpi týraly aıtty, dep habarlaıdy QazAqparat tilshisi.

«Statıstıkaǵa toqtalsaq, ótken kezeńde departamenttiń bólimsheleri 145 qylmystyq is qozǵap, onyń ishinde 98-i satýmen aınalysatyn adamdarǵa qatysty. Zańsyz aınalymnan 114 keliden astam túrli esirtki zattary tárkilendi. Esirtkiniń keń taraǵan túrlerin tárkileý boıynsha júrgizilgen jumystar turǵysynda sıntetıkalyq esirtkilerdiń taralýynyń jahandyq qateri bar. Bul esirtki arzan bolǵandyqtan, ony alýǵa tyrysatyndar sany artýy múmkin. 2021 jyldyń ótken kezeńinde qala aýmaǵynda sıntetıkalyq esirtkini taratý men saqtaýǵa baflanysty 141 fakti anyqtaldy. Osy oraıda eki zanthananyń jumysyna tosqaýyl qoıyldy», - dedi Aıdos Rysbaev Nur-Sultan qalasy máslıhatynyń zańdylyq, quqyqtyq tártip máseleleri boıynsha turaqty komıssııasynyń otyrysynda.

Onyń aıtýynsha, jyl basynan beri sıntetıkalyq esirtki túrlerin jarnamalaýǵa jol bermeý boıynsha arnaıy jumystar júrip jatyr. Esirtki saıttaryn jarnamalaýǵa 16 qylmystyq is qozǵaldy. Bul rette anyqtalǵan saıttar buǵattaldy.

Eske salsaq, Premer-Mınıstrdiń orynbasary Eraly Toǵjanov Memleket basshysynyń eldegi esirtki qylmysy men nashaqorlyqqa qarsy is-qımylǵa qatysty tapsyrmasyn oryndaý boıynsha arnaıy keńeste sıntetıkalyq esirtkiniń negizgi tutynýshylary jastar ekeni aıtyldy.
Joǵary qaraı