Aýa raıy
Astana -27 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Elorda polıtseıleri karantınniń buzylýy boıynsha hattama toltyryp jatqan joq

2020 jyldyń 19 qarasha 2020 23:51

NUR-SULTAN. QazAqparat – Polıtsııa karantın rejıminiń buzylýy boıynsha hattama toltyryp jatqan joq. Bul týraly QazAqparat Nur-Sultan qalasynyń polıtsııa departamentine silteme jasap habarlaıdy.

«Biz eshqandaı hattama toltyrmaımyz, tek faktini bárin Nur-Sultan qalasynyń taýarlar men qyzmetterdiń sapasyn baqylaý basqarmasyna joldaımyz. Polıtsııa qyzmetkerleri karantın rejıminiń buzylǵanyn kórse azamattarǵa aldymen munyń durys emestigin túsindiredi, sondaı-aq quramyna ákimdiktiń, taýarlar men qyzmetterdiń sapasyn baqylaý basqarmasynyń, sondaı-aq ýchaskelik ınspektorlary bar mobıldi topty oqıǵa ornyna shaqyrady. Odan keıingi jumys taýarlar men qyzmetterdiń sapasyn baqylaý basqarmasynyń mindetinde. Olarǵa polıtsııa qyzmetkerleriniń foto jáne vıdeodálelderi jiberiledi», - delingen departament taratqan habarlamada.

Elde indet qaıta órship kele jatyr. Soǵan qaramastan elordada karantın rejımi men qalanyń bas memlekettik sanıtarlyq dárigerleri bekitken talaptardy elemeıtin turǵyndar da bar eken. Reıd sharalary barysynda qalanyń polıtsııa qyzmetkerleri monıtorıng toby «ZOLOTO» meıramhanasynda bir ýaqytta 70 adamnyń otyrǵanyn anyqtaǵan. Klıentter áleýmettik qashyqtyq pen sanıtarlyq-epıdemıologııalyq normalardy saqtamaǵan. Osylaısha meıramhana ıesi de, kelýshiler de adamdardyń ómirine qaýip tóndirgen. Ákimshilik kodekstiń 425-baby boıynsha jınaqtalǵan materıal Nur-Sultan qalasynyń taýarlar men qyzmetterdiń sapasyn baqylaý basqarmasyna joldanǵan.


Avtor Aıan Bekenuly
Basty sózder: Koronavırýs, Karantın, Nur-Sultan,
Joǵary qaraı