Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elorda muǵalimderi vaktsına saldyrǵannan keıingi jaǵdaıyn aıtty

2021 jyldyń 2 naýryz 2021 15:45

NUR-SULTAN. QazAqparat - 1 naýryzdan bastap muǵalimder men quqyq qorǵaý organdarynyń qyzmetkerleri koronavırýs ınfektsııasyna qarsy vaktsınany saldyra bastady. KVI-dan alǵashqy ekpeni elordalyq №27 jáne №50 mektepterdiń muǵalimderi aldy, dep habarlaıdy QazAqparat qala ákimdiginiń resmı saıtyna silteme jasap.

Ekpeni alǵashqylardyń biri bolyp №27 mektep-lıtseıiniń qazaq tili men ádebıeti pániniń muǵalimi Zıbagúl Qarataeva qabyldady.

Osyǵan deıin ol dárigerdiń tıisti tekserisinen ótken bolatyn.

«Men vaktsınatsııany óz erkimmen alǵym keldi. Bul eń aldymen ózińdi jáne týystaryńdy qorǵaý úshin qajet dep bilemin. Otbasymda koronavırýs ınfektsııasymen aýyrǵan eshkim joq jáne juqtyrmas úshin osyndaı tańdaý jasap otyrmyn. Bul - óz densaýlyǵyma degen jaýapkershilik», - deıdi muǵalim.

Sonymen qatar, Zıbagúl Qarataeva vaktsına qabyldaýda eshqandaı qorqynysh joq ekenin aıtyp ótti.





«Dárigerlerdiń vaktsına qabyldaǵany jaıly qanshama aqparat tarady, bárin oqyp otyrdyq, jaǵdaıdy nazarda ustadyq. Jaǵymsyz jaǵdaılar bolǵan joq. Sol sebepti senimdi boldym», - dep túsindirdi muǵalim.

Vaktsınanyń birinshi komponentin №27 orta mektep-lıtseıiniń dırektory Qanat Baısalbaev ta qabyldady.

Ol ózin jaqsy sezinetinin, keri áseri bolmaǵanyn jetkizdi.

«Eger biz ınfektsııanyń taralýyn qalamasaq, ekpe qabyldaýymyz qajet. Onyń ústine oqýshylar birtindep synybyna oralyp jatyr. Al olardyń ata-analarymen biz kún saıyn kezdesip turamyz. Birin biri qaterge tigýge bolmaıdy. Men mektep dırektory retinde ekpe alyp, áriptesterime úlgi kórsetýge bel býdym», - dep atap ótti Qanat Baısalbaev.

Raıymbek batyr atyndaǵy №50 mektep-lıtseıiniń tarıh pániniń muǵalimi Saılaýbaı Shaıkenov memleket usynǵan tegin vaktsınatsııadan ótýdi azamattyq paryzy sanaıdy.





«Memleket bizge qamqorlyq jasap, vaktsınatsııalaýdy usynyp otyr. Ótken jyl búkil adamzat úshin qıyn kezeń boldy. Vırýstyń saldarynan qanshama adam qaıtys boldy. Vaktsınanyń tıimdiligine senbesem, bul jerde otyrmas edim. Ózimdi, otbasymdy jáne oqýshylarymdy qaterden qorǵaǵym keledi», - deıdi tarıhshy.





Joǵary qaraı