Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda mektepteriniń barlyq qyzmetkeriniń jalaqysyn kóterý kerek - kásipodaq

2021 jyldyń 16 qyrkúıek 2021 17:53

NUR-SULTAN. QazAqparat- Elorda mektepteri men balabaqshalarynda jumys isteıtin barlyq qyzmetkerdiń jalaqysyn kóterý qajet. Mundaı usynysty «Ádilet» kásipodaǵynyń tóraǵasy Batyr Álıev jasady, dep habarlaıdy QazAqparat tilshisi.

«Nur-Sultan qalasy pedagogtarynyń áleýmettik mártebesin kóterýdi qamtamasyz etý maqsatynda kelesi máselelerdi talqylaýǵa usynamyn. Eń aldymen, bizde jyl saıyn pedagogtardyń jalaqysy artyp kele jatyr. Biraq, bul búkil Qazaqstan boıynsha ári bárine tıesili. Biraq, elordalyq pedagogtardyń jaǵdaıyn jaqsarta túsý úshin myna jaıttarǵa toqtalǵym keledi. Jalaqynyń jyl saıyn artýyna qaramastan memlekettik mekemelerdiń jáne psıhologııalyq-pedagogıkalyq túzetý kabınetteriniń basshylarynyń jalaqysy tómen qalyp otyr. Olar sharýashylyq júrgizý quqyǵyna kóshpegen balabaqshalar men mektepter», - dedi ol qalalyq máslıhat otyrysynda.

Onyń aıtýynsha, memlekettik mekemelerdiń jáne psıhologııalyq-pedagogıkalyq túzetý kabınetteriniń basshylary 152 myńnan 184 myń teńgege deıin ǵana jalaqy alady.

«Pedagogtarymyzdy qalypty jumys jaǵdaıymen qamtamasyz etetin bilim berý uıymdaryndaǵy ózge de qyzmetkerlerdiń máselesin qozǵaǵym keledi. Atap aıtar bolsaq, bas býhgalter 92 myńnan 112 myń teńgege deıin jalaqy alady. Ekonomısterdiń, is júrgizýshiler men kitaphanashylardyń jalaqysy 72-85 myń teńge aralyǵynda ǵana. Pandemııa rejıminde pedagogtardyń jumys isteýine jaǵdaı jasap, eki ese kóp jumys iseıtin, kún saıyn táýekel aımaǵynda júretin eden jýýshylardyń bazalyq laýazymdyq jalaqysyna 20-30 paıyz ústeme qosylady. Alaıda ol ne bári 2-3 myń teńgeni quraıdy», - edi Batyr Álıev.


Joǵary qaraı