Aýa raıy
Astana 15 °S
Almaty 12 °S
valıýta baǵamy
USD 412.55
EUR 468.66
RUB 5.79
CNY 58.80

Elorda mektepterine jańa oqýlyq taratyla bastady

2020 jyldyń 6 tamyz 2020 20:53

NUR-SULTAN. QazAqparat - Elordalyq bilim basqarmasy men «Astana – adaldyq alańy» jobalyq keńsesiniń qyzmetkerleri qaladaǵy jalpy bilim beretin mektepterge oqýlyqtyń taralýyn qadaǵalap, kóshpeli monıtorıng júrgizdi, dep habarlaıdy QazAqparat qala ákimdigine silteme jasap.

Elorda mektepterinde jańa oqý jylyna daıyndyq júrgizilip jatyr. Qazirgi ýaqytta oqý oryndary jańa oqýlyqpen qamtamasyz ete bastaldy.

«Bul qoımada 1-11 synyptarǵa arnalǵan 19 baspanyń oqýlyǵy bar. Osy jerden barlyq mektepter kestege sáıkes oqýlyq beriledi. Búgingi tańda 35 mektepke kitap taratyldy», - deıdi qalalyq bilim basqarmasy basshysynyń orynbasary Baǵlan Smataeva.

Bul rette sanıtarııa normalary qatań saqtalady. Eki apta ishinde elordaǵa shamamen 20 júk kóligimen 750 tonna oqýlyq jetkizildi. Oqýlyq qazir mektepterge bólinip jatyr. Oqý quralyn ýaqtyly jetkizýdi monıtorıng toby qadaǵalaıdy.





«Búgin qalalyq bilim basqarmasymen birlese otyryp, Qosshy aýylyndaǵy mektepke baryp, oqýlyqtardy 1-11 synyptarǵa tarattyq. Atap aıtqanda, oqýlyqtardyń № 54 mektep-lıtseıge jiberilýin qadaǵaladyq. Biz bul úderisti tolyq baqylaımyz», – deıdi Nur-Sultan qalasy ákimdiginiń «Astana-adaldyq alańy» jobalyq keńsesiniń úılestirýshisi Sáýle Bısembaeva. Qazaqstanda aldaǵy oqý jylyn elimizdiń barlyq mektepterindegi 1-11 synyptarda qashyqtan oqytý josparlanǵan. Osyǵan baılanysty bilim basqarmasyna jáne oqý oryndarynyń dırektorlaryna mekteptiń qashyqtan oqytýǵa daıyndyǵyn qamtamasyz etý tapsyryldy.














Basty sózder: Nur-Sultan, Bilim, Karantın,
Joǵary qaraı