Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda mektebi balalarǵa ekpe saldy dep basa-kóktep kirgen áıelderdi sotqa berdi

2021 jyldyń 2 qarasha 2021 15:56

NUR-SULTAN. QazAqparat – Elordanyń №58 mektep basshylyǵy dáriger Aına Bakeevamen sottaspaq. Bul týraly Nur-Sultan qalasy Bilim basqarmasy basshysy orynbasarynyń mindetin atqarýshy Asyl Amangeldıeva málim etti, dep habarlaıdy QazAqparat tilshisi.

«Elordanyń №58 mekteptegi jaǵdaı 5 qazan kúni boldy. Oqıǵa bolǵan sátte mektep dırektory qalalyq ákimdikke jınalysqa ketken. Osy ýaqytta mektepke 3 áıel kelip, shý shyǵaryp, kúzetshimen tóbelesken. Basynda olar mektep dırektorymen kezdesýge kelgenderin aıtqan. Kelispeýshilik barysynda olar mektep kúzetshisi men medbıkege qol kótergen. Búgingi tańda mektep basshylyǵy balalarǵa vaktsına salyp jatyr degen jalǵan aqparat taratqany jáne mektep kúzetshisi men medıbıkege qol kótergeni úshin sotqa aryzdandy», - dedi Asyl Amangeldıeva Bilim jáne ǵylymı mınıstrliginde ótken apparat keńesi jıynynda.

Atalǵan oqıǵaǵa qatysty mınıstr Ashat Aımaǵambetov te pikir bildirdi.

«Balalar qaýipsizdigi týraly sóz etkende elordanyń №58 mektebinde bolǵan jaıtty aıtpaı ketýge bolmaıdy. Bul mekteptiń ishki erejesiniń buzylýy, bógde kisiniń sabaqtyń ótýine kedergi jasap qaýip tóndirýi. Atalǵan mektep basshylyǵy tıisti shara qoldanyp, jedel áreket etpedi. Jalpy aıtqanda balalardyń qaýipsizdigine qaýip tóndirdi. Balalardyń ómiri men qaýipsizdigi únemi mańyzdy»,- dedi vedomstvo basshysy.

Eske sala ketsek, 26 qazanda áleýmettik jeliler men messendjerlerde qazaqstandyqtar Nur-Sultanda №58 mektepte ata-analardyń resmı túrde bas tartýyna qaramastan balalarǵa jasyryn ekpe jasalatyny týraly aqparat taraǵan edi.

Habarlamada oqýshylardyń birine dárethanada vaktsına salynǵany aıtylǵan.

Degenmen oqıǵanyń shyndyqqa sáıkes kelmeıtindigi anyqtaldy. Ol týraly Stopfake.kz resmı habar taratty.

Keıin Nur-Sultan qalasynyń ákimshilik ister boıynsha mamandandyrylǵan aýdanaralyq soty Aına Bakeevany 10 táýlikke qamaýǵa aldy.


Avtor Álı Ibraev
Basty sózder: Mektep, Nurly jol, Medıtsına,
Joǵary qaraı