Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda mańyndaǵy eldi mekenderde qandaı qurylys salynady

2021 jyldyń 18 maýsym 2021 11:46

NUR-SULTAN. QazAqparat - Nur Otan partııasynyń saılaýaldy baǵdarlamasyna sáıkes taǵy 130 km sýmen jabdyqtaý jáne sý burý jelileri, 85 km nóser kárizi, qosalqy stansa men 177 km elektrmen jabdyqtaý jelileri, 23 km jylýmen jabdyqtaý jelileri, 3 keshen nóser kárizderin tazartý qurylystary salynady.

Bul týraly Nur-Sultan qalasynyń ákimi Altaı Kólginov Instagram paraqshasynda málim etti, dep habarlaıdy elorda ákimdiginiń resmı saıty.

«Qaladaǵy eldi mekenderdi aralaýdy jalǵastyramyz. Ózderińiz biletindeı, bizde olardyń sany - 16. Onda turatyn halyqtyń sany - 300 myńǵa jýyq adam. Bul - elordanyń árbir tórtinshi turǵyny eldi mekende turady degen sóz.

Kóktal-1 eldi mekeni turǵyndarymen kezdestim. Atalǵan eldi mekende qordalanyp qalǵan birqatar máseleni sheshý jumystarymen aınalysyp jatyrmyz: jol salý, qoǵamdyq keńistikterdi abattandyrý, sý tartý, káriz salý, jaryqtandyrý jáne t. b. jumystar.

Kóktal-1 eldi mekeni turǵyndarymen kezdesýde eń birinshi kezekte atqarylýy qajet jumystar týraly áńgimelesip, pikir almastyq. Máselen, qalalyqtar jol, trotýar, skverler/býlvarlar, balalar men sport alańdaryn salý jáne jaryqtandyrý, t. b. máseleler týraly óz oılaryn bildirdi. Aıtylǵan máselelerdi nazarǵa alyp, osy eldi mekenniń aldaǵy damý josparyna engizemiz.




Mysaly, Kóktal-1 eldi mekenin tutastaı gazben qamtamasyz ettik. Sonymen qatar bıyl №40 mektep-lıtseı aýmaǵynda eki aýysymda 1 myń oryndy qamtıtyn taǵy bir oqý orny salyndy. Osylaısha mekteptiń júktemesi azaıyp, jańa oqýshy oryndary ashylady. Soǵan qosa, osy eldi mekende qalalyqtardyń taza aýada salaýatty ómir saltyn saqtaı otyryp, jaıly jaǵdaıda ýaqytyn paıdaly ótkizýine múmkindik beretin taǵy 2 qoǵamdyq keńistik salamyz (Aqtolqyn kóshesi, Bastańǵy qıylysy).

Ótken jyly eldi mekende birinshi ret park salyndy. Onyń aýqymy - 15 ga. Salystyrmaly túrde aıtar bolsaq, bul park bizdiń qalalyq parkten 2 ese úlken. Kóktaldaǵy jańa parkte basketbol, fýtbol alańdary men vorkaýt-aımaqtar, tynysh demalýǵa jáne ıtterdi serýendetýge arnalǵan aımaqtar bar.

Memleket basshysy eldi mekenderdi damytýǵa erekshe kóńil aýdarady. Sondyqtan barlyq eldi mekenderdi damytý baǵytynda jumys júrgizýdemiz.

Mysaly, byltyr shet aımaqtarda 100 kóshe, 345 km gaz taratý jelilerin saldyq. Úsh eldi meken turǵyndary gazǵa qosylýǵa múmkindik aldy. Jańa jylytý maýsymynda taǵy 7 eldi meken gazǵa kóshiriledi.

Buǵan qosa, 13,5 km ınjenerlik jeli, 5 km-den astam káriz jelisi jáne sý qubyryn tarttyq, 3 km-den astam nóser kárizderi salyndy. Ótken jyly 40 qoǵamdyq keńistikti bos jatqan tyń jerden jańadan saldyq: olar - parkter, skverler, býlvarlar. (Kóktal-1, Kóktal-2, Agrogorodok, Internatsıonalnyı, Óndiris jáne t. b.).




Josparda taǵy 50 park pen skver salý, 120 km-den astam velosıped jolyn tóseý jáne t. b. jumystardy atqarý kózdelip otyr.

Óndiris, Kóktal, Ilınka, Jeleznodorojnyı eldi mekenderinde dene shynyqtyrý jáne saýyqtyrý keshenderiniń qurylysyn júrgizýdemiz. Ol oryndarda sportpen aınalysýǵa arnalǵan kabınetterden bólek, egde jastaǵy adamdardyń qyzyǵýshylyǵy boıynsha klýbtar, HQO, polıtsııa, poshta bólimsheleri jáne t. b. ornalastyrylatyn bolady. Atalǵan keshenderge turǵyndar tegin barady. Olardy bıyl ashýdy josparlap otyrmyz.

Aldaǵy jyldary Nur Otan partııasynyń saılaýaldy baǵdarlamasyna sáıkes taǵy 130 km sýmen jabdyqtaý jáne sý burý jelilerin, 85 km nóser kárizin, qosalqy stansa men 177 km elektrmen jabdyqtaý jelilerin, 23 km jylýmen jabdyqtaý jelilerin, 3 keshen nóser kárizderin tazartý qurylystaryn salamyz.

Osylaısha, buǵan deıin aıtqanymdaı, bizdiń maqsatymyz – shet aımaqtardy shaǵyn aýdandarǵa aınaldyrý. Bul shaǵyn aýdandardyń taza aýada demalýǵa arnalǵan oryndary, áleýmettik nysandary, jaıly ómir súrý úshin qolaıly ınfraqurylymy jáne t. b. Bolady», - dep jazdy elorda ákimi.


























Basty sózder: Nur-Sultan, Qurylys,
Joǵary qaraı