Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda qurylysshylary jaldap turǵan: SQO-da órtengen úıden 15 adam evakýatsııalandy

2021 jyldyń 28 qazan 2021 17:18

PETROPAVL. QazAqparat – Petropavlda bes qabatty turǵyn úıdiń balkonynan órt shyǵyp, bir adamdy qutqarýǵa, 15 adamdy qaýipsiz jerge shyǵarýǵa týra keldi, dep habarlaıdy QazAqparat tilshisi.

Chaıkovskıı kóshesindegi 13-úıde eki balkonnyń janyp jatqandyǵy týraly habarlama 101 nómirine saǵat 14.06-da túsken.

Oqıǵa ornyna jetken órt sóndirýshiler aldymen, kók tútinge oranǵan páterden 51 jastaǵy er adamdy avtosatynyń kómegimen alyp shyqty. Sondaı-aq taǵy 15 turǵyndy, sonyń ishinde 4 balany qaýipsiz jerge shyǵardy.

«Órt úıdiń 3-qabatyndaǵy balkonnan shyǵyp, ústińgi qabattyń balkonyna aýysqan. Aldyn ala boljam boıynsha, órttiń shyǵýyna sóndirilmegen temeki tuqyly sebep bolýy múmkin. Qutqarylǵan er adam mas boldy», - deıdi Petropavl qalalyq № 3 órt sóndirý bólimi bastyǵynyń orynbasary Ernar Rústem.


Jalynmen kúreske 6 tehnıka jáne 25 adam jumyldyrylyp, 20 mınýttyń ishinde tolyq sóndirildi.

Qutqarylǵan er adamnyń aıtýynsha, páterdi birneshe adam jaldap turady. Astanalyq brıgada Petropavlda qurylys nysanynda jumys isteıdi.

«Mana kelip túski asty iship ketti. Qaısysynyń temekini óshirmeı ketkeni belgisiz. Men ózim únemi sóndirip júremin. Túste demalýǵa jatqanmyn. Oıanyp ketsem kók tútin, tunshyǵyp barady ekenmin. Ázer esimdi jınap aldym», - deıdi er adam.


Joǵary qaraı