Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Elorda kórshileri» turǵyn úıdi basqarý jáne damytý baǵdarlamasy iske qosyldy

2021 jyldyń 2 jeltoqsan 2021 11:57

NUR-SULTAN. QazAqparat – Nur-Sultan qalasynda kóppáterli turǵyn úı ıeleriniń bastamasymen «Elorda kórshileri» atty turǵyn úıdi basqarý jáne damytý baǵdarlamasy paıda boldy, dep habarlaıdy QazAqparat tilshisi.

«Elorda kórshileri» turǵyndardyń uıytqy bolýymen iske qosylǵan kóppáterli turǵyn úılerdi damytý baǵdarlamasy. Ondaǵy maqsat – kóppáterli ortaq turǵyn úıge qatysty máseleni birlesip ortaǵa salý jáne onyń ortaq sheshimin tabý. Atalǵan baǵdarlama turǵyn úıdi kútip ustaý, kórshilerdiń tatý-tátti ómir súrýin qamtýǵa baǵyttalǵan. Keıbir kóppáterli turǵyn úılerde kútimniń joqtyǵy menshik ıeleri kooperatıviniń óz jumysyna salǵyrttyǵy sebep. Sol sııaqty úıdi kútý men jóndeýge bólinetin qarjyny tıimdi jumsamaý da sebep», - dedi Nur-Sultan qalasy turǵyn úı jáne turǵyn úı ınspektsııasy basqarmasynyń Baıqońyr aýdany boıynsha bólim basshysy Bekzat Tamshybaı ákimdikte ótken baspasóz máslıhatynda.

Onyń aıtýynsha, «Elorda kórshileri» baǵdarlamasy turǵyndarǵa ortaq máseleni sheshýde tıimdi ádis.

«Baǵdarlamanyń taǵy bir artyqshylyǵy turǵyn úıge kúrdeli jóndeý jumys júrgizer kezde, turǵyndar tizimi men olardyń pikirin bilýde óte yńǵaıly Bul baǵdarlama turǵyndardyń bastamasymen quryldy. Endigi ýaqytta elordanyń ár turǵyny óz úıin ózi basqara alady», - deıdi ol.


Avtor Álı Ibraev
Basty sózder: Nur-Sultan, Qoǵam, Turǵyn úı,
Joǵary qaraı