Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda qar qursaýynda: Avtobýstar, ushaqtar keshigip, jolda keptelis týyndady

2021 jyldyń 25 qarasha 2021 10:17

NUR-SULTAN. QazAqparat – Elordada qalyń qar jaýýyna baılanysty avtobýstar ýaqytynan keshigip, qala kóshelerinde kólik keptelisi baıqalady, dep habarlaıdy QazAqparat tilshisi.

CTS kompanııasy da aýa raıynyń qolaısyzdyǵyna baılanysty (qar jaýý, kóktaıǵaq) kólik legi men qoǵamdyq kólik qozǵalysynyń jyldamdyǵy tómendegenin, avtobýstardyń kidirisi baıqalatyndyǵyn atap ótedi. Ásirese, qoǵamdyq kólikke arnalǵan arnaýly jolaǵy joq jol ýchaskelerinde avtobýstardyń qatynaý aralyǵy alshaqtap ketken.

«CTS jol júrisine qatysýshylardyń barlyǵyn saq bolýǵa jáne baǵdardy aldyn ala josparlaýǵa shaqyrady. Barlyq júrgizýshilerden joldarda barynsha muqııat bolýdy, qaýipsiz qashyqtyqty saqtaýdy, jyldamdyq rejımin tańdaýdy, tejegishti kúrt basyp qalýdan saq bolýdy suraımyz», - delingen kompanııanyń Facebook-paraqshasynda jarııalanǵan aqparatta.

Al Nur-Sultan ákimdigi kommýnaldyq qyzmetter qalany qardan tazartý jumystaryn táýlik boıy eki aýysymda júrgizip jatqanyn aıtýda.

Qala ákimdiginiń málimetinshe, búgin qar kúreýge 1 300 arnaýly tehnıka men 1 900 jumysshy jumyldyrylǵan.

Buǵan deıin Polıtsııa departamenti de kólik júrgizýshilerin jolda asa muqııat bolýdy eskertken bolatyn.

Astana áýejaıynda ushyp-qoný jolaǵyn qar basyp qalýdan 21 reıs keshiktirildi.

















Joǵary qaraı