Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Elorda depýtattary ınvataksı qyzmetin tsıfrlandyrýdy usyndy

2020 jyldyń 4 qarasha 2020 17:56

NUR-SULTAN. QazAqparat – Nur-Sultan qalalyq máslıhatynyń depýtattary ınvataksı qyzmetin tsıfrlandyrýdy usynyp otyr, dep habarlaıdy QazAqparat tilshisi.

Aıta ketsek, búgin elorda máslıhatynda 2021-2023 jyldarǵa arnalǵan qala bıýdjetiniń jobasy talqylanǵan bolatyn. Talqylaý barysynda qalalyq Jumyspen qamtý jáne halyqty áleýmettik qorǵaý basqarmasynyń basshysy Sáýle Nurǵojınaǵa depýtattar suraq joldady. Olardyń aıtýynsha, elordadaǵy ınvataksı jetkilikti dárejede qyzmet kórsete almaı keledi. Múmkindigi shekteýli azamattardyń keıbirine ınvataksı shaqyrý úshin tipti, bir táýlik buryn jazylýyna týra keledi.

«Qala ákimi Altaı Kólginovtiń ózi ınvataksı qyzmetine jiti nazar aýdaryp, demeýshiler qosymsha ınvataksıdiń 10 kóligin alyp berdi. Olardyń bári de bizdiń jáne qoǵamdyq densaýlyq saqtaý basqarmasynyń vedomstvoishilik uıymdaryna taratyldy. Qazir koronavırýstyń taralýyna baılanysty bul baǵyttaǵy shyǵyn azaıǵanyn atap ótý kerek. Sebebi múmkindigi shekteýli oqýshylar mektepke barmaıdy. Qazir biz CTS (City transportation systems) kompanııasymen shynaıy qansha adam ınvataksı qyzmetine muqtaj ekenin bilý úshin dıspetcherızatsııa jumysyn júrgizip jatyrmyz. Kelesi jyly bul másele de sheshim tabar degen oıdamyz», - dedi Sáýle Nurǵojına.

Óz kezeginde depýtattar ınvataksı qyzmetin tsıfrlandyrý qajettigin jetkizdi. Olardyń sózinshe, tsıfrlandyrý arqyly ınvataksı bos pa, bos emes pe, qashan tapsyrys berýge bolatynyn aldyn ala bilip otyrýǵa bolady.


Avtor Aıan Bekenuly
Basty sózder: Nur-Sultan, Basqa memorgandar,
Joǵary qaraı