Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elorda bas sanıtarynyń jańa qaýlysy: Nege ruqsat beriledi

2021 jyldyń 3 naýryz 2021 22:00

NUR-SULTAN. QazAqparat – Elordada karantın sharalary birshama jeńildedi. Oǵan Nur-Sultan qalasynyń bas memlekettik sanıtar dárigeri Sarqyt Beısenovanyń elordada shekteý jáne karantın sharalary týraly №8 qaýlysy sep bolmaq, dep habarlaıdy QazAqparat tilshisi.

Atalǵan qaýlyǵa sáıkes, HQO jumysyn kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaǵan jaǵdaıda, qatań túrde aldyn ala Egov.kz, «EgovKZBot 2.0» telegram-botpen brondaý arqyly, «Qazposhta» AQ jumysyn onlaın rejıminde kórsetilmeıtin qyzmetter bóliginde kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp, jumys jáne senbi kúnderi saǵat 09:00-den 18:00-ge deıin jumys kestesin belgileý, jeksenbi kúnderi jumysyna tyıym salýmen uıymdastyrýǵa ruqsat beriledi.

Jeke medıtsınalyq ortalyqtardyń, klınıkalardyń, stomatologııalardyń jumysyn qatań túrde aldyn ala jazylý boıynsha, kúsheıtilgen sanıtarııalyq -epıdemııaǵa qarsy, sanıtarııalyq-profılaktıkalyq is-sharalardy saqtaýmen, jumys jáne demalys kúnderi saǵat 8:00-den 20:00-ge deıin jumys kestesin belgileı otyryp uıymdastyrýǵa bolady.

Seriktesinde nátıjesi berilgen kúnnen bastap 3 táýlikten aspaǵan PTR ádisimen COVID-19 testiniń teris nátıjesi bar anyqtamasy bolǵan kezde seriktestik bosanýdy júrgizýge ruqsat bolady.

Stýdentter nemese joǵary oqý oryndaryna/kolledjderge baratyn qyzmetkerler arasynda COVID-19 aýrýynyń bir jaǵdaıy tirkelgen kezde ınkýbatsııalyq kezeń aıaqtalǵanǵa deıin fakýltettiń/bólimsheniń karantınge jabylýy qamtamasyz etiledi.

Menshik nysanyna qaramastan, mektepke deıingi uıymdarda kezekshi toptardyń jumysyn ár topta 15 baladan artyq emes etip toltyrýmen, jańa kezekshi toptardy ashýǵa tyıym salýmen, sanıtarııalyq-epıdemııaǵa qarsy, sanıtarııalyq-profılaktıkalyq, karantındik sharalardy qatań saqtaı otyryp, jumys kúnderi saǵat 07:30-dan 18:30-ǵa deıin jumys kestesin belgilep, demalys kúnderi jumystaryna tyıym salýmen uıymdastyrylady.

Balalardy damytý ortalyqtary, balalar men eresekterge arnalǵan úıirmeler, bilim berý ortalyqtary jumysy (15 adamǵa deıingi toptarda aldyn ala jazylý boıynsha) kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaýmen, jumys jáne demalys kúnderi saǵat 09:00-den 20:00-ge deıin jumys kestesin belgileı otyryp ótkiziledi.

Balalar men eresekterge arnalǵan túzetý kabınetteriniń jumysyn (15 adamnan artyq emes, aldyn ala jazylý boıynsha) kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp, jumys kestesin jumys jáne demalys kúnderi saǵat 09:00-den 20:00-ge deıin belgileı otyryp uıymdastyrýǵa ruqsat beriledi.

Bıznes-ortalyqtardyń, iskerlik úılerdiń, sondaı-aq olarda ornalasqan advokattardyń, notarıýstyń, býhgalter men konsaltıngtiń qyzmetin kórsetý obektileriniń, jyljymaıtyn múlik jónindegi agenttiktiń, jarnama agenttikteriniń, sot oryndaýshylarynyń, týroperatorlardyń, azyq-túlik emes taýarlardy jáne taǵy basqa satý jónindegi býtıkterdiń (bólimderdiń) jumysyn kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaýmen, jumysshylardyń keminde 50 paıyzyn qashyqtyqtan jumys isteý túrine aýystyrýdy qatań túrde saqtaı otyryp, jumys jáne demalys kúnderi jumys kestesin saǵat 09:00-den 22:00-ge deıin belgileı otyryp uıymdastyrýǵa bolady.


Joǵary qaraı