Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda aýmaǵynda qýraǵan shóp pen qamystyń órtenýi kóbeıdi

2021 jyldyń 5 mamyr 2021 15:42

NUR-SULTAN. QazAqparat - Nur-Sultan qalasynyń aýmaǵynda qýraǵan shóp pen qamystyń órtenýi kóbeıdi. Elordadaǵy Tótenshe jaǵdaılar departamenti bastyǵynyń orynbasary Sábıt Bıtaev osylaı málim etti, dep habarlaıdy QazAqparat tilshisi.

«Kóktemgi-jazǵy órt qaýipti kezeń bastalysymen órtter sany artyp keledi. Órt qaýipi kezeńniń 20 kúninde Nur-Sultan qalasynyń aýmaǵynda qýraǵan shóp pen qamystyń 93 janý jaǵdaıy tirkeldi. Bul ótken jyldyń sáıkes kezeńimen salystyrǵanda 5 ese kóp, byltyr osy ýaqytta 18 órt tirkelgen bolatyn», - dedi S. Bıtaev onlaın baspasóz máslıhatynda.

Onyń aıtýynsha, qyzyl jalyn taraǵan jalpy aýdan 73 641 sharshy metrdi (qurǵaq shóp – 72 971 sharshy metr, qamys – 670 sharshy metr) qurady. Bul aýmaq byltyrǵa qaraǵanda 16 esege kóp, byltyr janǵan aýmaq 4540 sharshy metr bolǵan edi.

«Qýraǵan ósimdikterdiń órtenýiniń negizgi sebepterine toqtalsaq, otty abaısyz paıdalaný, temeki shegý jáne órt qaýipsizdigi erejesin buzý faktileri tirkeldi», - dedi departament ókili.

Budan buryn habarlanǵandaı, 2 mamyrda túske qaraı Nur-Sultan qalasynyń TJD Órt sóndirý bólimsheleri kelip túsken habarlamaǵa baılanysty Bógenbaı dańǵylyndaǵy kópir boıyndaǵy órtti sóndirýge attandy. Qýraǵan shóp pen qamys órtenip, sol mańdaǵy jeke úıge taralǵany anyqtaldy. Osy oqıǵa boıynsha polıtseıler elordada shópke ot qoıǵan kúdikti adamdy ustady.


Joǵary qaraı