Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elorda ákiminiń orynbasary qaramaǵyndaǵy qyzmetkerdiń jemqorlyq áreketi úshin jazalandy

2021 jyldyń 11 aqpan 2021 23:30

NUR-SULTAN. QazAqparat – Elorda ákiminiń orynbasary Bahtııar Máken qaramaǵyndaǵy qyzmetkerdiń jemqorlyq áreketi úshin jazalandy, dep habarlaıdy QazAqparat ákimdikke silteme jasap.

«QR memlekettik qyzmet týraly» zańyna sáıkes mádenıet basqarmasynyń eks-basshysyna qatysty sot sheshimi shyqqannan keıin osy salany basqaratyn ákimniń orynbasary B. Máken otstavkaǵa ketýi tıis. Ákimdiktiń áleýmettik mańyzy bar bilim, din, jastar saıasaty, áleýmettik az qamtylǵan turǵyndarmen jumys jasaıtyn salaǵa basshylyq jasaıtyn B. Mákenniń jetekshiligimen kóptegen mańyzdy jumystar atqaryldy. Atap aıtqanda, qalada úsh aýysymda oqıtyn mektep sany eki esege qysqardy. Pandemııa kezinde qysqa merzimde qurylǵan Jedel shtabtyń jumysy nátıjesinde 43 myńnan asa adam áleýmettik kómek aldy... Osy jaǵdaı eskerile otyryp B. Mákenniń otstavkasy qabyldanbady. Alaıda oǵan qatań sógis jarııalandy», - delingen ákimdik habarlamasynda.

Eske salsaq, Nur-Sultan qalasy Mádenıet jáne sport basqarmasynyń basshysy ótken jyly maýsym aıynda qamaýǵa alynǵan bolatyn.

Ol «Naýryz meıramy-2020» merekesin toılaýǵa oraı jalpy somasy 195 mıllıon teńgege is-sharalar ótkizý boıynsha qyzmetter kórsetýge arnalǵan memlekettik satyp alý týraly jasalǵan kelisimshart boıynsha qamqorlyq kórsetý úshin 10 mıllıon teńge kóleminde para aldy degen kúdikke ilindi.


Joǵary qaraı