Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elızabet Tursynbaeva Býrabaıda muz ústinde Dımashtyń ánine bı bıledi

2021 jyldyń 11 qańtar 2021 22:20

NUR-SULTAN. QazAqparat – Tanymal mánerlep syrǵanaýshy Elızabet Tursynbaeva Dımash Qudaıbergenniń ánine Býrabaı kólinde bı bılep, kópshiliktiń qoshemetine ıe bolyp jatyr, dep habarlaıdy QazAqparat tilshisi.

«Keshe tuńǵysh ret Býrabaıǵa baryp qaıttym. Tumsa tabıǵattyń kórkin tamsanýmen birge ýaqytty jaqsy ótkizdim. Armandarymnyń biri oryndaldy: men kólde Dımash Qudaıbergenniń «Bil» ániniń súıemeldeýimen bı bıledim. Keıingi kezde sol án sanamda saırap turatyn bolypty», - dep jazdy mánerlep syrǵanaýshy Instagram paraqshasynda.

Elızabet Tursynbaevanyń jankúıerleri jazba astynda jaǵymdy pikir qaldyryp jatyr. Keremet kórinis, ertegidegideı degen pikirlerdi kórip, bıdiń kópshilikke unaǵanyn ańǵarýǵa bolady.

Elızabet Tursynbaeva Máskeýde dúnıege kelgen. Qazaqstannyń atynan (onyń ishinde Qyzylordanyń) óner kórsetedi. Mánerlep syrǵanaýshy tórt aınala (salh) sekirip, álem chempıonatynyń kúmis júldesin ıelenip, al 2019 jyly tórt qurlyqtyń chempıonatynda top jarǵan. Ol qazirgi ýaqytta álemniń eń úzdik mánerlep syrǵanaýshylarynyń ondyǵyna kiredi.


Avtor Aıan Bekenuly
Basty sózder: Óner, Qoǵam,
Joǵary qaraı