Aýa raıy
Astana -22 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Elimizdiń taǵy qaı óńirinde blokpost ornatylýy múmkin

2020 jyldyń 30 qazan 2020 18:32

NUR-SULTAN. QazAqparat - Elimizde epıdemıologııalyq ahýal ýshyǵyp ketken jaǵdaıda óńirlerde blokpostar qoıylady. Bul týraly QR Densaýlyq saqtaý vıtse-mınıstri - Bas memlekettik sanıtar dáriger Erlan Qııasov aıtty, dep habarlaıdy QazAqparat tilshisi.

«Búgingi kúni ózge óńirlerge blokpost qoıýdyń qajettiligi baıqalyp otyrǵan joq. Tek Qaraǵandy oblysynda blokpost ornatý josparlanyp otyr. Alaıda, onyń ózi blokpost emes, sanıtarlyq beket bolýy múmin. Bul aldyn alý sharalaryn arttyrý aıasyndaǵy jergilikti atqarýshy organdardyń bastamasy bolatyn», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, atalǵan óńirge qarasty Aqtoǵaı aýdanynda «Altyn almaz» kásiporny qyzmetkeri arasynda koronavırýstyń órshý oshaǵy tirkelgen.

«Tolyqtaı alǵanda el boıynsha qazirgi jaǵdaıǵa baılanysty blokposttar qoıý taıaý ýaqyttyń ishine josparlanyp otyrǵan joq. Tek epıdemıologııalyq jaǵdaı ýshyǵyp ketse ǵana qolǵa alynýy múmkin», - dedi Erlan Qııasov.


Joǵary qaraı