Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizdiń 3 óńirinde terrorıstik qaýiptiń «qyzyl» deńgeıi saqtalady

2022 jyldyń 15 qańtar 2022 21:57

NUR-SULTAN. QazAqparat - Elimizdiń 2 oblysynda jáne bir qalasynda terrorıstik qaýiptiń «qyzyl» deńgeıi saqtalady, dep habarlaıdy Respýblıkalyq Terrorızmge qarsy kúres jónindegi jedel shtabtyń baspasóz qyzmeti.

Qazaqstan Respýblıkasy Prezıdentiniń 2013 jylǵy 9 tamyzdaǵy «Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıymdastyrylýy men jumys isteý qaǵıdalaryn bekitý týraly» №611 Jarlyǵynyń talaptaryna sáıkes terrorızmge qarsy kúres jónindegi oblystyq jáne qalalyq jedel shtabtar basshylarynyń sheshimimen 2022 jylǵy 13 qańtardan bastap elimizdiń kelesi óńirlerinde terrorıstik qaýiptiliktiń ortasha («sary») deńgeıi belgilendi:

- Soltústik Qazaqstan oblysynda jáne Qaraǵandy oblysynyń Balqash qalasynda 14 táýlik merzimge;

- Pavlodar oblysynda 10 táýlikke;

- Aqmola oblysynda erekshe ókimge deıin.

2022 jylǵy 14 qańtardan bastap Batys Qazaqstan oblysynda terrorıstik qaýiptiliktiń ortasha «sary» deńgeıi 14 táýlikke engizildi.

Terrorıstik qaýiptiliktiń joǵary «qyzǵylt sary» deńgeıi ú.j. 13 qańtardan bastap Nur-Sultan qalasynda jáne 14 qańtardan bastap Shymkent qalasynda 14 táýlik merzimge engizildi.

Asa joǵary «qyzyl» deńgeı Jambyl, Almaty oblystarynda jáne Almaty qalasynda saqtalýda. Atalǵan óńirlerde terrorızmge qarsy operatsııa jalǵasýda.


Joǵary qaraı